Mumbai crime: उंदरांनी खाल्ले मासे, संशय मित्रावर, मित्रांनीच तरुणाची केली हत्या; 50 कचरा वेचकांची चौकशी आणि…

मुंबईमधील गोरेगावयेथे मासे खाल्ल्याच्या संशयातून दोन मित्रांनी अफसर (35) याची दगडाने ठेचून हत्या केली. आरोपी हरियाणाला पळून गेले होते; पोलिसांनी त्यांना अटक केली.

• गोरेगाव येथे मासे खाण्यावरून वादातून खून.
• दोन मित्रांनी अफसरची दगडाने ठेचून हत्या केली.
• आरोपी हरियाणातील कैथल येथून अटकेत.

मुंबई: मुंबई येथून एक धक्कादायक घटना समोर आली आहे. मासे खाण्यावरून एका मित्राचीच हत्या केल्याचे समोर आले आहे. अफसर (३५) असे हत्या झालेल्या तरुणाचे नाव आहे. त्याच्या दोन मित्रांनीच त्याची दगडाने ठेचून हत्या केली. ५० कचरा वेचकांची चौकशी केल्यांनतर हा प्रकार समोर आला. पोलिसांनी आरोपीला अटक केली असून गुन्हा दाखल करण्यात आला आहे. ही घटना मुंबईच्या गोरेगाव येथे घडली.

काय घडलं नेमकं?

23 फेब्रुवारीच्या सकाळी अफसर त्याचा मित्र सुरेश आणि राजेश ऊर्फ नेपाली यांच्यासोबत मासे घेऊन आला होता. मासे शिजवत असताना तिघांनीही मद्यपान केले. मात्र, दारुच्या अतिसेवनामुळे अफसर तिथेच झोपी गेला आणि याच दरम्यान कढईत ठेवलेले मासे उंदरांनी खाल्ले. काही वेळाने सुरेश अंडी राजेश जेवणासाठी उठले आणि त्यांना कढई रिकामी दिसली. अफसारने एकट्यानेच सर्व मासे खाऊन टाकले असावेत असा संशय या दोघांना आला. याच रागाच्या भरात दोघांनी आधी अफसर;या लाथाबुक्क्यांनी बेदम मारहाण केल. त्यांनतर दगडाने ठेचून त्याची निर्घृण हत्या केली. या भीषण कृत्यानंतर दोन्ही आरोपींनी घटनास्थळावरून पळ काढला आणि थेट हरियाणाला पळून गेले.

Ahilyanagar Crime: बेपत्ता तक्रार देणारा मुलगाच निघाला खुनी, मुलगा-जावयानेच वडिलांची केली हत्या; तपासात धक्कादायक माहिती समोर

पोलिसांना मृतदेह सापडल्याची माहिती मिळाली. पोलिसांनी घटनास्थळावरून अफसारचा मृतदेह ताब्यात घेतले आणि पंचनामा केला. त्यांनतर वनराई पोलिसांनी या गुन्ह्याचा छडा लावण्यासाठी परिसरात मोठी शोधमोहीम राबवली. पोलिसांनी परिसरातील सुमारे ५० कचरा वाचकांची कसून चौकशी केली आणि मृतदेहाचा फोटो दाखवून त्याची ओळख पटवण्याचा प्रयत्न केला. या चौकशीतून पोलिसांना आरोपींच्या ठावठिकाण्याबद्दल माहिती मिळाली.तांत्रिक तपासाअभावी केवळ गुप्तचरांच्या मदतीने पोलिसांनी आरोपींचा मागोवा घेतला आणि अखेर हरियाणाच्या कैथल येथून सुरेश आणि राजेश या दोघांनाही अटक करण्यात यश मिळवले.

आरोपी सराईत गुन्हेगार

आरोपी राजेश उर्फ नेपाली हा सराईत गुन्हेगार असून त्याच्यावर खंडणीसारखे गंभीर गुन्हे दाखल आहेत असे तपासादरम्यान समोर आले. उंदरांनी खाल्लेल्या माशांमुळे मित्राचा नाहक बळी गेला असून, सध्या दोन्ही आरोपी पोलिसांच्या कोठडीत आहेत. पोलिसांनी गुन्हा दाखल केला असून तपास सूरु आहे.

Ratnagiri Crime: संतापजनक! रत्नागिरीत अल्पवयीन मुलावर अत्याचार; कृत्याचा VIDEO सोशल मीडियावर व्हायरल