crime (फोटो सौजन्य: social media)
• लैंगिक मागणी नाकारल्यामुळे महिलेवर चाकूने हल्ला
• गंभीर जखमी महिलेचा मृत्यू; आरोपी फरार
• पोलिसांनी तांत्रिक तपासातून आरोपीला अटक केली
मुंबई: मुंबई येथून एक धक्कदायक घटना समोर आली आहे. मीरा रोड परिसरात एका अभिनेत्याने आपल्याच घरात काम करणाऱ्या मोलकरणीची हत्या केल्याचे समोर आले आहे. आरोपी टीव्ही अभिनेत्याचे नाव आशिष मेश्राम असे असून तो काही नावाजलेल्या मालिकांमध्ये तो झळकला आहे. मीरा रोड पोलिसांनी शुक्रवारी विशाखापट्टणम येथून अटक केली आहे. शरीरसुखाची मागणी महिलेने नाकारल्यामुळे आशिष ने तिचा जीव घेतलाच प्राथमिक तपासात उघड झाले आहे.
काय नेमकं प्रकरण?
काशिमिरा या भागात वास्तव्यास असलेली मृत महिला सिल्वर पार्क येथील चंद्रेश आर्केड इमारतीत काही दिवसांपासून घरकाम करत होती. बुधवारी सायंकाळी घरकाम करत असलेल्या घराच्या दरवाजात गंभीर जखमी अवस्थेत महिला दिसली. शेजारी राहणाऱ्या महिलेला हे दिसून आलं. तिने बिल्डिंगमधल्या काही नागरिकांना बोलावून महिलेला खासगी रुग्णालयात उपचारासाठी दाखल केलं, मात्र तिचा मृत्यू झाला होता.
आरोपी अटकेत
महिलेच्या गळ्यावर छातीवर आणि पोटावर चाकूने वार केल्याचे आढळून आले. या हल्ल्यात महिलेचा जागीच मृत्यू झाल्याचे बोलले जात आहे. हल्ला केल्यानंतर आरोपीने पळ काढला. मीरा रोड पोलिसांनी दिलेल्या माहितीनुसार आरोपी अभिनेता सोसायटीमध्ये शिरताना आणि तिथून बाहेर पडताना अत्यंत घाईत असल्याचे दिसून आले. पोलिसांनी तांत्रिक तपासाच्या आधारे त्याचा शोध घायला सुरुवात केली आणि त्याला विशाखापट्टणम येथून अटक केली. पोलिसांनी त्याची चौकशी केली असता धक्कादायक माहिती समोर आली.
फोन करून धमकी
गेल्या अनेक दिवसांपासून अभिनेता आशिष महिलेकडे लैंगिक सुखाची मागणी करत होता. महिलेने वारंवार या मागणीला नकार दिला त्यामुळे अभिनेत्याने वारंवार तिचा चाळ केला. जानेवारी महिन्यात आरोपी आशिषने महिलेच्या मुलाला फोन करून धमकी दिलेली. ‘तुझ्या आईने माझ्याकडे काम करणं बंद केलं किंवा माझ्या मागण्या मान्य केला नाही तर तिला जीवे मारीन ‘ अशी धमकी दिल्यानंतर महिलेच्या मुलाने आशिषला गाठून मारण्याचा प्रयत्न केला होता. मात्र, आशिषच्या मोठ्या भावाने महिलेला विश्वासात घेऊन ‘आशिष आता फ्लॅटवर राहत नाही’, असे सांगितले. पुन्हा एकदा महिलेने विश्वास ठेवून त्या घरात कामाला जाण्यास सुरुवात केली होती. कामावर आल्याचे पाहून आरोपींना घरात प्रवेश केला आणि महिलेचा काटा काढल्याचं समोर आलं .
गेल्या ३ वर्षांपासून अभिनेत्याकडे काम
संबंधित मृत महिलेच्या पश्चात तिचा पती आणि चार मुलं असा परिवार आहे. तिचा पती चप्पल दुरुस्तीचे काम करतो तर मोठा मुलगा खाजगी कंपनीत कामाला आहे. आठ नऊ घरांमध्ये घरकाम करून ती महिला कुटुंबाला हातभार लावायची. गेल्या तीन वर्षांपासून ती अभिनेता आशिष मेश्रामच्या घरी काम करायची. या घटनेने मनोरंजन सृष्टीत एकच खळबळ उडाली आहे.
Palghar News : शासकीय जमिनीवर अनधिकृत बांधकाम; बेकायदेशीर इमारतींना अभय कोणाचं ?
Ans: ठाणे जिल्ह्यातील मीरा रोड परिसरात.
Ans: शरीरसुखाची मागणी नाकारल्यामुळे आरोपीने हत्या केली.
Ans: तांत्रिक तपासाच्या आधारे विशाखापट्टणममधून अटक केली.
.png "Videos"){kind=small}
