crime (फोटो सौजन्य: social media)
काय घडलं नेमकं?
अंकुश आंबोरकर हा रविवारी रात्री दादरमध्ये आपल्या एका मित्राला भेटण्यासाठी गेला होता. त्यावेळी गौरव सणस याने त्याला रस्त्यात अडवले. याठिकाणी दोघांमध्ये वाद झाला. गौरव सणस आणि त्याच्या साथीदारांनी अंकुशला मारहाण सुरु केली. अंकुशची पत्नी प्रभादेवी परिसरात असलेल्या सिद्धिविनायक मंदिरात सुरक्षारक्षक म्हणून काम करते. इथून काही अंतरावरच अंकुशला मारहाण सुरु होती. ही बातमी समजताच अंकुशची पत्नी आपल्या काही सहकाऱ्यांसह घटनास्थळी गेली. तिने अंकुशला गौरव आणि त्याच्या साथीदारांच्या तावडीतून सोडवले.
रुग्णालयात नेण्यापूर्वीच मृत्यू
दरम्यान, गौरव आणि त्याच्या टोळक्याने अंकुशला बेदम मारहाण केली होती. त्यामुळे घटनास्थळी मोठी गर्दीही जमा झाली होती. गौरव आणि त्याच्या साथीदारांनी तिथून पळ काढला. पोलिसांना या घटनेची माहिती मिळताच पोलिसही तात्काळ घटनास्थळी दाखल झाले. अंकुशला नजीकच्या केईएम रुग्णालयात नेले. मात्र, डॉक्टरांनी अंकुशचा रुग्णालयात आणण्यापूर्वीच मृत्यू झाल्याचे जाहीर केले.
हत्ये मागचं कारण काय?
अंकुशच्या पत्नीने या प्रकरणी तक्रार दाखल केली असून दादर पोलिसांनी गौरव सणस आणि त्याच्या साथीदारांविरोधात गुन्हा नोंदवला. पोलिसांनी या प्रकरणी तपासाला सुरुवात केली. अंकुश आंबोरकर आणि गौरव सणस यांच्यात गेल्या अनेक वर्षांपासून वैयक्तिक वाद होता. अंकुश आणि गौरव हे दोघे पूर्वी दादरमध्ये एकत्र बँजोचा व्यवसाय करायचे. मात्र, कालांतरान दोघांमध्ये वितुष्ट आल्याने दोघेही वेगवेगळे झाले होते. या दोघांनी 2017 मध्ये स्वतंत्रपणे बँजोचा व्यवसाय सुरु केला होता. इथेच दोघांमध्ये वादाची ठिणगी पडली होती. तेव्हापासून गौरव सणस हा अंकुशवर डुख धरुन होता. गौरव अंकुशला सतत टोमणे मारायचा, धमकी द्यायचा, अशी माहिती अंकुशच्या पत्नीने पोलिसांना दिली. यापूर्वीही गौरव याने अंकुशला मारहाण केली होती. याप्रकरणी दादर पोलीस ठाण्यात तक्रारही दाखल करण्यात आली होती.
पोलीस तपास सुरु
आता अंकुशला बेदम मारहाण केल्याने त्याचा मृत्यू झाला. पोलीस या प्रकरणाचा सखोल तपास करत आहे. पोलिसांनीच आता पर्यंत सहा जणांना अटक केली आहे. पोलीस त्यांची चौकशी करत आहे. या घटनेने परिसरात खळबळ उडाली असून भीतीचे वातावरण आहे.
Ans: जुन्या वैयक्तिक वादातून हल्ला करण्यात आला.
Ans: मुंबईतील दादर परिसरात.
Ans: सहा आरोपींना अटक करून तपास सुरू केला आहे.
.png "Videos"){kind=small}
