Mumbai Cyber Crime: ‘डिजिटल अरेस्ट’च्या नावाखाली 85 वर्षीय निवृत्त शिक्षकाची 9 कोटींची फसवणूक; साताऱ्यातील तरुण अटकेत

डिजिटल अरेस्टच्या नावाखाली तोतया पोलिसांनी 85 वर्षीय निवृत्त शिक्षकाला मनी लाँडरिंगची भीती दाखवून 9 कोटींची फसवणूक केली. मुंबई सायबर पोलिसांनी साताऱ्यातील आरोपीला अटक करत टोळीचा पर्दाफाश केला.

• तोतया पोलीस व बनावट RBI वॉरंट दाखवून 9 कोटी उकळले
• 1 ते 22 डिसेंबरदरम्यान ‘डिजिटल अरेस्ट’चा दबाव
• साताऱ्यातील 27 वर्षीय आरोपी अटक; तपास सुरू

मुंबई: राज्यात सायबर गुन्हेगारीचे प्रकरण वाढतांना दिसत आहे. राज्याच्या कानाकोपऱ्यातील नागरिक सायबर फसवणुकीला बळी पडत आहेत. आता पुन्हा एक सायबर फसवणुकीचा प्रकार समोर आला आहे. तब्ब्ल ९ कोटींनी एका 85 वर्षीय निवृत्त शिक्षकाला गंडा घालण्यात आल्याचे समोर आले आहे. या प्रकरणातील पोलिसांनी साताऱ्यातील तरुणाला अटक केली आहे. २७ वर्षीय संग्राम बळीराम बाबर असे अटक करण्यात आलेल्या तरुणाचे नाव आहे. धक्कदायक बाब म्हणजे, बाबर हा ज्या कंपनीचा संचालक म्हणून दाखवला गेला होता, त्याच खात्याचा वापर करून यापूर्वीही ज्येष्ठ नागरिकांची 5.65 कोटी रुपयांची फसवणूक करण्यात आली आहे.

Latur Crime: नशेत असलेल्या पतीचा पत्नीने केला खून! आधी डोके भिंतीवर आपटले, नंतर गळा आवळला; धक्कादायक कारण उघड

कशी केली फसवणूक

१ डिसेंबर ते २२ डिसेंबर या कालावधीत पीडित शिक्षकाला त्यांच्या घरातच ‘डिजिटल अरेस्ट’ करून ठेवण्यात आले होते. सर्वात आधी आरोपींनी आपण नाशिकच्या पंचवटी पोलीस ठाण्याचे पोलीस निरीक्षक दीपक शर्मा बोलत असल्याचे भासवले. त्यानंतर तुमच्या नावे असलेल्या बँक खात्यातून प्रतिबंधित ‘पॉप्युलर फ्रंट ऑफ इंडिया’ (PFI) ला मनी लाँडरिंगद्वारे पैसे पाठवले जात आहेत, अशी भीती त्यांना दाखवली. एव्हडेच नाही तर, व्हिडिओ कॉलवर गणवेशातील तोतया पोलीस अधिकारी आणि बनावट ‘आरबीआय’ वॉरंट दाखवून त्यांचा विश्वास संपादन करण्यात आला. ​तपासासाठी तुमचे सर्व पैसे सर्वोच्च न्यायालयाच्या खात्यात वर्ग करावे लागतील, असे सांगून त्यांच्याकडून 9 कोटी रुपये उकळण्यात आले.

बँक कर्मचाऱ्यांच्या सतर्कतेने

जेव्हा त्यांनी बँक खात्यात जाऊन ही मोठी रक्कम ट्रान्स्फर केली तेव्हा बँकेच्या सतर्क कर्मचाऱ्याने त्यांच्या कुटुंबियांना याची माहिती दिली. बँके कमर्चाऱ्यांच्या सतर्कतेने हा सर्व प्रकार उघडकीस आला. पोलीस या प्रकरणाचा तपास करत असून सातारच्या २७ वर्षीय संग्राम बळीराम बाबर याला अटक केली आहे.

छत्रपती संभाजीनगर येथील माजी सरपंचांची निर्घृण हत्या; ग्रामस्थांचा आक्रमक पवित्रा, आरोपींचे अवैध दुकान जमीनदोस्त