crime (फोटो सौजन्य: social media)
कशी उघडकीस आली घटना?
मिळालेल्या माहितीनुसार, बुधवारी सकाळी त्यांच्या काही महत्वाच्या शस्त्रक्रिया नियोजित होत्या. ऑपरेशन थिएटरमध्ये रुग्ण आणि कर्मचारी त्यांची वाट पाहत होते. मात्र बराच वेळ झाला तरी डॉक्टर आल्या नाहीत. शस्त्रक्रिया विभागात त्या न पोहोचल्याने सहकारी डॉक्टरांनी त्यांना मोबाईलवर आणि त्यांच्या कार्यालयातील दूरध्वनीवर अनेकदा संपर्क साधण्याचा प्रयत्न केला. मात्र तिथून देखील कोणताही प्रतिसाद मिळालेला नाही.
काहीतरी अघटित घडल्याच्या संशयाने रुग्णालयातील एका कनिष्ठ डॉक्टरने चौथ्या मजल्यावर असलेल्या डॉ. अनुजा यांच्या कार्यालयाकडे धाव घेतली. तिथे कार्यालयाचे दार आतून बंद होते. अनेकदा दरवाजा ठोठावण्यात आला मात्र आतून कसलाच प्रतिसाद मिळाला नाही. दरवाजाच्या काचेच्या पॅनेलमधून आत डोकावून पहिले तेव्हा डॉ. अनुजा या खुर्चीजवळ जमिनीवर बेशुद्धावस्थेत पडलेल्या दिसल्या. तातडीने दरवाजा तोडून कर्मचारी आणि इतर वरिष्ठ डॉक्टर आत शिरले, मात्र तपासणीअंती त्यांना मृत घोषित करण्यात आले.
हृदयविकाराचा झटका की…
या घटनेची माहिती पोलिसांना मिळाली, नागपाडा पोलिसांनी घटनास्थळी धाव घेत पंचनामा केला. प्राथमिक तपासणीत पोलिसांनी कोणतीही सुसाईड नोट किंवा संशयास्पद वस्तू आढळली नसल्याचे सांगितले आहे. काही रिपोर्ट्सनुसार, हृदयविकाराचा झटका आल्याने आणि वेळेत मदत न मिळाल्याने त्यांचा मृत्यू झाला असावा, अशी शक्यता वर्तवण्यात येत आहे. मात्र, पोलिस सखोल तपास करत आहे. डॉ. अनुजा यांचा पार्थिव शवविच्छेदनासाठी जे.जे. रुग्णालयात पाठवण्यात आले आहे.
सीसीटीव्ही फुटेजचा तपास सुरु
नागपाडा पोलिसांनी याप्रकरणी अपघाती मृत्यूची (ADR) नोंद केली आहे. रुग्णालयातील आणि परिसरातील सीसीटीव्ही फुटेजची तपासणी केली जात आहे. डॉक्टर अनुजा या अविवाहित होत्या आणि रुग्णालयातील कर्मचारी व डॉक्टरांमध्ये अत्यंत लोकप्रिय होत्या.
Ans: ही घटना मुंबईमधील जगजीवन राम रुग्णालय येथे घडली.
Ans: ऑपरेशनसाठी त्या वेळेत न आल्याने सहकाऱ्यांनी कॅबिन तपासले असता Dr. Anuja Kulkarni जमिनीवर बेशुद्ध अवस्थेत आढळल्या.
Ans: पोलिसांनी अपघाती मृत्यूची नोंद करून तपास सुरू केला असून मृतदेह शवविच्छेदनासाठी पाठवण्यात आला आहे.
.png "Videos"){kind=small}
