Thane Crime : किन्नर बनून घरात शिरला, ‘संतानप्राप्ती’च्या नावाखाली अनुष्ठानाचा बहाणा अन् महिलेवर अत्याचार; पवईतील धक्कादायक घटना

मुंबईतील पवई परिसरात संतानप्राप्तीच्या अनुष्ठानाचे आमिष दाखवून महिलेवर कथित अत्याचार केल्याचा धक्कादायक प्रकार समोर आला आहे. आरोपीने किन्नर असल्याची खोटी ओळख सांगून घरात प्रवेश केला आणि घटनेनंतर महिलेकडून २ हजार रुपये घेऊन फरार झाल्याचा आरोप आहे.

• किन्नर असल्याचे भासवून आरोपीने घरात प्रवेश केला
• संतानप्राप्तीच्या अनुष्ठानाच्या नावाखाली महिलेवर कथित अत्याचार
• आरोपी अनिल शिंदेला कळव्यातून अटक; २४ ऑगस्टपर्यंत पोलीस कोठडी

पवई परिसरातील एका महिलेवर कथितरित्या अत्याचार करण्यात आला असून आपली खोटी ओळख देऊन आरोपी घरात घुसल्याची माहिती आहे. आरोप आहे की, व्यक्ती किन्नर असल्याचे खोटे सांगून घरात शिरला. संतानप्राप्तीचे खोटे आश्वाशन देऊन आरोपीने खोटे अनुष्ठान केल्याचे नाटक केले आणि मग कथितरित्या महिलेवर बलात्कार केला. घटनेनंतर आरोपीने महिलेकडून २ हजार रुपये लुटले आणि तो तिथून फरार झाला. महिलेच्या तक्रारीवर पोलिसांनी आरोपी अनिल शिंदेला ठाण्याच्या कळव्यातून अटक केली असून पोलिस या घटनेचा तपास करत आहेत.

खळबळजनक ! मुख्याध्यापिका ओरडल्या म्हणून दोन विद्यार्थ्यांनी थेट हत्याच केली; हत्येनंतर गोव्याला जाऊन पार्टी अन्…

पोलिसांनी दिलेल्या माहितीनुसार, घटना १९ ऑगस्ट रोजी घडून आली. पडित महिले घरात एकटी होती आणि तिचा पती कामावर गेला होता. आरोपी घरी आला तेव्हा घरातील महिलेच्या सासऱ्यांनी दार खोलले. अनिल नावाच्या आरोपीने यावेळी स्वत:ला किन्नर दाखवत महिलेला खोटा आशिर्वाद दिला. किन्नर आहे असं समजून सासऱ्यांनी त्याला घरात प्रवेश दिला. बोलता बोलता आरोपीला सासऱ्यांकडून समजलं की, लग्नाच्या अनेक वर्षांनंतरही त्यांची सून अजून गरोदर राहिली नाही. याचाच फायदा घेत आरोपीने मूल होण्यासाठी एक विशेष अनुष्ठान करण्याचे सांगितले.

अनुष्ठानाच्या नावाखाली दुष्कर्म

FIR नुसार, आरोपीने अनुष्ठानाच्या नावाखाली सासऱ्यांना दुसरीकडे पाठवले आणि काही वेळाने सूनेला जमिनीवर लेटवले. यानंतर त्याने तिला बेडवर झोपायला सांगितले आणि मग कथितपणे तिचे लैंगिक शोषण केले. तथापि, सुरुवातीला पिडितेला घटनेची गंभीरता लक्षात आली नाही परंतु आरोपी गेल्याच्या काहीवेळानंतर तिला आपल्यासोबत काहीतरी वाईट झालं आहे याची जाणीव झाली. जाताना आरोपीने महिलेकडून २००० रुपये घेतले आणि तू लवकरच गरोदर राहशील असा दावा केला.

आपल्यासोबत नक्की काय घडलंय याची जाणीव होताच महिलेने तिच्या पतीला फोन लावला आणि झालेल्या सर्व प्रकाराची माहिती दिली. यानंतर दांम्पत्याने तत्काळ पोलिस ठाण्याला भेट दिली आणि घडलेला सर्व प्रकार पोलिसांना उलगडून सांगितला. महिलेच्या तक्रारीवर आरोपी अनिलवर गुन्हा दाखल करण्यात आला असून तांत्रिक तपास आणि इतर पुराव्यांच्या आधारे पोलिसांनी त्याली कळव्यातून अटक देखील केली आहे.

Pune Crime : १० वर्षांच्या चिमुरडीवर अत्याचार करून हत्या, आरोपी शोधण्याचा करत होता बनाव, संतप्त ग्रामस्थांनी केली फाशीची मागणी

पोलिस कोठडीची शिक्षा

या प्रकरणात स्थानिक न्यायालयाने आरोपीला २४ ऑगस्टपर्यंत पोलिस कोठडीची शिक्षा ठोठावली आहे. आरोपीने याआधीही असे काही प्रकार केले आहेत का किंवा अशाच कार्यपद्धतीचा वापर करुन त्याने इतर कोणत्याही महिलांना लक्ष्य केले आहे का या सर्व गोष्टींचा तपास पोलिस करत आहे.