मुंबई हादरली! एकतर्फी प्रेमातून वाद आणि अल्पवयीनाने बिल्डींगच्या टेरेसवरून ढकललं; मुलीचा मृत्यू

एकतर्फी प्रेमातून झालेल्या वादानंतर अल्पवयीन मुलाने मैत्रिणीला इमारतीच्या टेरेसवरून ढकलून तिची हत्या केल्याचा प्रकार उघडकीस आला आहे. भांडुप पोलिसांनी तात्काळ कारवाई करत अल्पवयीन आरोपीला ताब्यात घेतले आहे.

मुंबईच्या भांडुप पश्चिम येथून एक धक्कादायक घडताना समोर आली आहे. एकतर्फी प्रेमातून झालेल्या वादानंतर अल्पवयीन मुलाने मैत्रिणीला इमारतीच्या टेरेसवरून ढकलून तिची हत्या केल्याचा प्रकार उघडकीस आला आहे. ही घटना महेंद्र स्प्लेंडर इमारतीमध्ये घडली आहे. या घटनेमुळे परिसरात एकच खळबळ उडाली आहे.

भर रस्त्यावर कटरने परिचारिकेवर सपासप वार; संतप्त जमावापासून बचावासाठी आरोपी शिरला पोलीस ठाण्यात

मिळालेल्या माहितीनुसार, अल्पवयीन मुलाला नुकत्याच पार पडलेल्या परीक्षेत अपेक्षापेक्षा कमी गुण मिळाले होते. यामुळे तो आधीच मानसिक तणावाखाली होता. या काळात त्याच्या एका मित्राने त्याची चेष्टा केल्याने तो अधिक अस्वस्थ झाला. अश्या मनःस्थितीत त्याच्या मैत्रिणीने त्याला भेटण्यासाठी बिल्डिंगच्या टेरेसवर बोलावले होते.

तेथे दोघे बोलत होते. मुलीने मुलाला डेटिंगसाठी विचारले. मात्र मुलाने तिला नकार दिला. त्यानांतर दोघांमध्ये वाद वाढला आणि रंगाच्या भरात त्या अल्पवयीन मुलाने आपल्या मैत्रिणीला बिल्डिंगच्या टेरेसवरून ढकलून दिले. या मैत्रिणीचा मृत्यू झाला. या प्रकरणी पोलिसांना कळवण्यात आले. भांडुप पोलिसांनी तात्काळ कारवाई करत अल्पवयीन आरोपीला ताब्यात घेतले आहे. या प्रकरणी भांडुप पोलीस ठाण्यात अल्पवयीन मुलाविरोधात कलम 103 (1), 238 बी एन एस 2023 कायद्याअंतर्गत गुन्हा दाखल करण्यात आला आहे. पुढील तपास पोलीस करत आहे.

गोंदिया हादरलं! पैशांसाठी अल्पवयीन मुलानेच आईची केली हत्या, गळा आवळून डोकं……

गोंदिया जिल्ह्यातील दासगाव येथून एक धक्कादायक घटना समोर आली आहे. या घटनेने गोंदिया जिल्हा हादरून गेला आहे. पोटच्या मुलानेच आपल्या आईची हत्या केल्याचं समोर आले आहे. खर्चासाठी पैसे न दिल्याच्या रागातून निर्घृण हत्या करण्यात आली. हत्या केल्यानंतर त्याने नातेवाईकांना नैसर्गिक मृत्यू असल्याचे सांगितले आणि अंत्यसंस्कार केला. मात्र पोलिसांना संशय आला आणि मुलाला ताब्यात घेत चौकशी केली असता सत्य समोर आलं.

नेमकं काय घडलं?

पुढे आलेल्या माहितीनुसार, मृतकाचे नाव भारती सहारे( वय ४४) असे आहे. खर्चासाठी त्यांनी आपल्या मुलाला पैसे न दिल्याच्या रागातून मुलानेच गळा दाबून आणि डोके जमिनीवर आपटून जन्मदात्याला आईचा जीव घेतल्याचे समोर आले आहे. भारती सहारे आपल्या १७ वर्षीय मुलासोबत राहत होती. तिच्या पतीच्या निधनानंतर ती गावातच नड्डे आणि अंडी विकून आपला उदरनिर्वाह करत होती. भरतीला तिचा मुलगा नेहमीच खर्चासाठी पैसे मागत होता. पैसे मागण्यावरून २६ जूनच्या रात्री दोन्ही मायकेकांत वाद झाला. या वादात मुलाने आईचा गळा आवळून डोके जमिनीवर आपटले आणि यामुळे डोक्यात अंतर्गत रक्तस्त्राव झाला आणि मेंदूत रक्त गोठून तिचा मृत्यू झाला.

या घटनेनंतर त्याने नातेवाईकांना आईचा मृत्यू नैसर्गिक झाला असल्याचे सांगितले आणि अंत्यसंस्कार केले. मात्र पोलिसांना संशय आल्यानंतर खड्ड्यात पुरलेले मृतदेह बाहेर काढण्यात आला आणि त्यानंतर या घटनेचे बिंग फुटलं. या घटनेसंदर्भात रावणवाडी पोलिसांनी 17 वर्षीय विधी संघर्षीत मुलावर भारतीय न्याय संहिता कलम 103 (1) अन्वये खुनाचा गुन्हा दाखल केला आहे. सध्या पूढील तपास पोलीस निरीक्षक वैभव पवार यांच्या मार्गदर्शनात सुरू आहे.

बांगलादेशात हिंदू महिलेवर अमानुष अत्याचार; दोन चिमुकल्या मुलीसमोर मारहाण आणि बलात्कार….