Mumbai: आर्मी हेडक्वॉर्टरमधून कर्नलच्या केबिनची चोरी! पिस्तुल, काडतूसे आणि रोकड लंपास; गोव्यातून तिघांना अटक

मुंबईतील आर्मी हेडक्वॉर्टरमध्ये कर्नलच्या केबिनमधून पिस्तुल, काडतूसे, चांदी आणि रोकड चोरी. तिन्ही सराईत चोर गोव्यात मौज केल्यानंतर अटकेत; पोलिसांनी मुद्देमाल जप्त केला. सुरक्षेवर प्रश्नचिन्ह!

• आर्मी हेडक्वॉर्टरमधून कर्नलच्या केबिनची चोरी, सुरक्षा यंत्रणा अलर्ट
• आरोपींनी गोव्यात मौज केल्यानंतर मुंबईत परतल्यावर अटक
• मालाडच्या कुरार परिसरातील तिन्ही सराईत चोर पोलिसांच्या ताब्यात

मुंबई: मुंबईतून चोरीची एक घटना समोर आली आहे. मुंबईच्या आर्मी मुख्यालयातील कर्नलच्या केबिनमधून त्याचे पिस्तुल आणि कॅश चोरट्यांनी पळवल्याची घटना घडली आहे. पोलिसांना चोरांना अटक करण्यात यश आला आहे. तिन्ही आरोपींना पोलिसांनी गोव्यातून अटक केली आहे.

Crime News: वारसा नोंद करण्यासाठी लाच मागितली अन् तलाठी फसला; ACB ने थेट…

नेमकं काय प्रकरण?

मुंबईतील आर्मी हेडक्वॉर्टरची कडेकोट सुरक्षा भेदून एका कर्नलच्या केबिनमधून तिघा चोरट्यांनी पिस्तुल, ९ जीवंत काडतूसे, चांदी आणि तीन लाखांची रोकड पळवली. आरोपींनी आर्मी हेडक्वॉर्टरच्या मागच्या रस्त्यातून आत शिरकाव केला आणि चोरी केली. चोरी केल्यानंतर हे सर्व आरोपी गोव्याला पळाले आणि त्यांनी तेथे मौजमजा केली. जेव्हा ते मुंबईला आले तेव्हा त्यांना अटक केली.

हे सर्व आरोपी मालाडच्या कुरार परिसरात रहात होते. मालाड येथून आरोपींना क्राईम ब्रँचने अट केली. त्यांच्याकडून कर्नलची पिस्तुल, ९ जीवंत काडतूसे, साडे चारशे ग्रॅम चांदी आणि तीन लाख रुपये रोख जप्त करण्यात आले आहेत. तसेच चोरीच्यावेळी वापरलेले काही सामानही पोलिसांनी जप्त केले आहे.

सोमवारी क्राईम ब्रँच युनिट १२ च्या टीमने आरोपींना दींडोशी पोलिसांच्या हवाली केले. त्यांनी याआधी अनेक चोऱ्या केल्या आहेत. त्यांच्या विरोधात चोरी आणि लुटमारीचे अनेक गुन्हे दाखल आहेत. हे आरोपी सराईत चोर असून अनेक ठिकाणी त्यांनी चोऱ्या केल्याची माहिती पोलिसांनी दिली आहे. आता या प्रकरणाचा पुढील तपास दींडोशी पोलिस करणार आहेत. याआधी कुलाबा नेव्हीनगरात एका जवानाची इन्सास रायफल चोरट्याने पळवल्याची घटना घडली होती. आता थेट आर्मी हेडक्वॉर्टरवरच चोरट्यांनी डल्ला मारल्याचे उघडकीस आल्याने आश्चर्य व्यक्त होत आहे.

पुण्यात चोरट्यांचा धुमाकूळ; ‘या’ भागातील घरे फोडून लाखोंचा ऐवज चोरला