crime (फोटो सौजन्य: social media)
नेमकं काय प्रकरण?
पीडित अल्पवयीन ही सध्या १७ वर्षे १० महिने वयोगटातील असून ती अनेक वर्षांपासून निराधार अवस्थेत राहत आहे. काही वर्षांपूर्वी सुरत येथे उदरनिर्वाह करत असतांना तिची ओळख नरेश शालिकराम राक्षे (रा. गणेशबाबानगर, पुणे रोड, नाशिक) या तरुणाशी झाली. ओळखीचे रूपांतर पुढे संबंधात झाले आणि नंतर संशयिताने तिला नाशिकमध्ये आणले.
त्यांनतर हे दोघे नाशिकरोड, सिन्नर तसेच गणेशबाबानगर परिसरातील एका निर्माणाधीन सोसायटीत दोघेही वॉचमन व मोलमजुरीचे काम करत उधरनिर्वाह करत होते. याचदरम्यान पीडिता ही गरोदर राहिली. त्यानंतर तिला काही दिवसांपूर्वी प्रसूतीसाठी नाशिक जिल्हा रुग्णालयात दाखल करण्यात आले. जिल्हा रुग्णालयात सिव्हिल पोलीस चौकात एमएलसी नोंदविण्यात आली तेव्हा पीडिता अल्पवयीन असल्याचे स्पष्ट झाले. यावेळी तिचे कोणतेही नातेवाईक किंवा पालक समोर आले नाहीत.
गुन्हा दाखल
पीडितेने दिलेल्या प्राथमिक माहितीनुसार प्रकरणाची नोंद करण्यात आली. भद्रकाली पोलिसांनी पीडितेचा सविस्तर जबाब नोंदवून तपास केला, तेव्हा संशयित नरेश राक्षे याला पीडिता अल्पवयीन असल्याची माहिती असूनही त्याने तिच्याशी शरीरसंबंध ठेवल्याचे निष्पन्न झाले. त्याच्यावर पॉक्सो अधिनियम २०१२ अंतर्गत तसेच बलात्काराच्या गंभीर कलमान्वये गुन्हा दाखल करण्यात आला आहे.
बाळावर उपचार सुरु
नव्या महिन्याच्या सुरुवातीलाच पीडितेला प्रसवकळा सुरू झाल्याने तिने अकाली बाळाला जन्म दिला आहे. अकाली जन्म झाल्यामुळे बाळावर सध्या आरटीओजवळील एका खासगी रुग्णालयात उपचार सुरु असून पीडिता सध्या सुखरूप असल्याची माहिती पोलिसांनी दिली आहे. या प्रकरणी पोलीस पुढील तपास करत आहेत.
Amravati Crime: भर बाजारात टोळक्याचा थरार; अमरावतीत 50 वर्षीय व्यक्तीची चाकूने हत्या, परिसरात तणाव
Ans: नाशिक जिल्हा रुग्णालयात प्रसूतीदरम्यान एमएलसी नोंद करताना पीडिता अल्पवयीन असल्याचे स्पष्ट झाले.
Ans: पोक्सो अधिनियम 2012 अंतर्गत तसेच बलात्काराच्या गंभीर कलमान्वये गुन्हा दाखल करण्यात आला आहे.
Ans: पीडिता सुखरूप असून अकाली जन्म झालेल्या बाळावर खासगी रुग्णालयात उपचार सुरू आहेत.
.png "Videos"){kind=small}
