पोटच्या 8 वर्षीय मुलीसोबत बापाने केलं संतापजनक कृत्य; नग्न होऊन...; पत्नीने व्हिडिओ बनवून पोलिसांत घेतली धाव
बाप आणि लेकीचं नातं खूप जवळच, जिव्हाळ्याचं असतं. प्रत्येक बाबांसाठी त्यांची मुलगी लक्ष्मीच असते जणू… मात्र उत्तर प्रदेशातील नोएा येथून अशी एक घटना समोर आली, ज्यामुले बाप आणि लेक या नात्यावरून विश्वासच उडून जाईल. नोएडाच्या फेज-१ पोलीस ठाण्याच्या हद्दीतील जेजे कॉलनीमध्ये ८ वर्षांच्या मुलीसमोर तिच्या वडिलांनी नग्न होऊन गैरवर्तन केल्याचा धक्कादायक प्रकार समोर आला. या प्रकारामुळे परिसरात खळबळ उडाली आहे.
मुलीच्या आईने पतीच्या या कृत्याचा मोबाईलमध्ये व्हिडिओ रेकॉर्ड केला आणि त्यानंतर मुलीला घेऊन थेट पोलीस ठाणे गाठले. महिलेच्या तक्रारीवरून पोलिसांनी आरोपीविरुद्ध गुन्हा दाखल करून त्याला अटक केली आहे.
पोलिसांकडून मिळालेल्या माहितीनुसार, संबंधित दाम्पत्य ८ वर्षांच्या मुलीसोबत जेजे कॉलनीत राहत होते. दुपारचे महिलेने पोलीस ठाण्यात जाऊन पतीविरोधात तक्रार दिली. महिलेच्या आरोपानुसार, पतीने कपडे काढून मुलगी असलेल्या खोलीत तिच्यासमोर नग्न होऊन गैरवर्तन केले. पत्नी खोलीत पोहोचल्यानंतर तिने पतीच्या कथित कृत्याचा मोबाईलमध्ये व्हिडिओ तयार केला. तिने या प्रकाराला विरोध केला असता पतीने तिच्याशी मारहाण केल्याचा आरोपही तिने केला आहे. त्यानंतर महिला मुलीला सोबत घेऊन पोलीस ठाण्यात पोहोचली.
पुणे पोलिसांच्या ‘धिंड पॅटर्न’ला ब्रेक! अटक आरोपींचे फोटो-व्हिडिओ प्रसिद्ध करण्यासही बंदी
महिलेच्या तक्रारीनंतर फेज-१ पोलिसांनी आरोपीविरोधात गुन्हा दाखल केला. घटनेची गंभीरता लक्षात घेऊन पोलिसांनी मुलीचा जबाब नोंदवला आणि आरोपीला पकडण्यासाठी पथक तयार केले. त्यानंतर काही वेळातच पोलिसांनी आरोपीला पोलीस ठाण्याच्या हद्दीतून अटक केली.
पोलिसांनी मुलीला वैद्यकीय तपासणीसाठी पाठवले असून, तिचा मजिस्ट्रेटसमोरही जबाब नोंदवला जाणार असल्याचे अधिकाऱ्यांनी सांगितले आहे. पुढील तपासानंतर प्रकरणातील वस्तुस्थिती स्पष्ट होणार आहे.
या घटनेची माहिती मिळाल्यानंतर काही हिंदू संघटनांचे कार्यकर्ते मोठ्या संख्येने पोलीस ठाण्यात पोहोचले. त्यांनी आरोपी वडिलांवर मुलीवर अत्याचार केल्याचा आरोप करत कठोर कारवाईची मागणी केली. पोलिसांनी कार्यकर्त्यांना परिस्थिती समजावून सांगितली. दरम्यान, आईच्या तक्रारीच्या आधारे पोलिसांनी छेडछाडीचा गुन्हा दाखल केला असून तपास सुरू आहे. पोलिसांच्या म्हणण्यानुसार, मुलीचा वैद्यकीय अहवाल आणि तिचा अधिकृत जबाब यासह तपासातील इतर बाबींच्या आधारे पुढील कायदेशीर कारवाई केली जाईल.
गर्भवती पत्नीची जवानाने केली हत्या; आरोपीसह आई-वडिलांनाही अटक
दरम्यान, ग्रेटर नोएडाच्या दादरी परिसरातील जारचा कोतवाली हद्दीत बिसाहडा अंडरपासजवळ गुरुवारी सायंकाळी एका युवतीला रस्त्याच्या कडेला बेशुद्धावस्थेत दिसून आली. सायंकाळी सुमारे ४ वाजण्याच्या सुमारास स्थानिक नागरिकांच्या ही बाब निदर्शनास आली. युवती रस्त्याच्या कडेला बेशुद्ध अवस्थेत असल्याचे पाहून घटनास्थळी नागरिकांची गर्दी झाली.या घटनेची माहिती मिळताच पोलीस घटनास्थळी दाखल झाले. पोलिसांनी युवतीला उपचारासाठी खासगी रुग्णालयात दाखल केले असून तिच्यावर उपचार सुरू आहेत.
पोलिसांनी त्या तरुणीला एका खासगी रुग्णालयात दाखल केले असून, तिच्यावर उपचार सुरू आहेत. पोलीस ठाण्याच्या प्रभारींनी सांगितले की, तरुणीच्या प्रकृतीत सुधारणा झाल्यानंतर तिची चौकशी केली जाईल. यातून घटनेचे खरे स्वरूप समोर येईल.
.png "Videos"){kind=small}
