ही बाब महसूल विभागाच्या निदर्शनास आल्यानंतर मंडळ अधिकारी विजय गुंडकर यांनी ग्राम महसूल अधिकारी हेमंत मुलाने यांच्यासह घटनास्थळी भेट देऊन सुरू असलेले बांधकाम तत्काळ थांबवले. त्यानंतर या प्रकरणी बोईसर पोलीस ठाण्यात फिर्याद दाखल करण्यात आली असून पाठक बंधूंविरोधात एमआरटीपी कायद्यान्वये गुन्हा नोंदवण्यात आला आहे. शासकी जमिनींवर अशाप्रकारे बेकायदी तीन मजली इमारत बांधताना कोणी पाठींबा दिला आणि कोणी सहकार्य केलं त्य़ा संबंधित या प्रकरणात सखोल चौकशी सुरु आहे.
बोईसर आणि तारापूर औद्योगिक परिसरात वाढत असलेल्या अनधिकृत बांधकामांमुळे शहर नियोजनात अडथळे निर्माण होत आहे. या अनधिकृत बांधमकांमांवर चिंता व्यक्त केली जात असून हे असंच सुरु राहिलं तर बेकायदेशीर रित्या व्यवसाय़ करणाऱ्यांची हिंमत वाढेल. याबाबतच जिल्हाधिकारी डॉ. इंदू राणी जाखड यांनी गंभीर दखल घेत शासकीय जमिनीवरील अतिक्रमणांवर कठोर कारवाई करण्याचे निर्देश महसूल विभागाला दिले होते. दरम्यान, या अतिक्रमणाच्या बाजूलाच असलेले ‘हॉटेल शबरी’ हे देखील अनधिकृत असल्याची माहिती समोर येत आहे. त्यामुळे या हॉटेलबाबतही सखोल चौकशी करून योग्य ती कारवाई करावी, अशी मागणी स्थानिक नागरिकांकडून होत आहे.महसूल विभागाच्या या कारवाईमुळे बोईसर परिसरात शासकीय जागांवर अतिक्रमण करून अनधिकृत बांधकाम करणाऱ्यांवर वचक बसेल असा विश्वास व्यक्त केला जात आहे.
.png "Videos"){kind=small}
