पालघर हादरलं! खदानीत RTI कार्यकर्त्याचा निर्घृण खून; खदान मालकावर संशय

पालघरच्या विरारमध्ये RTI कार्यकर्ते आत्माराम पाटील यांची खदानीत दगडाने ठेचून हत्या करण्यात आली. मंडळ अधिकाऱ्यांसमोर घडलेल्या या घटनेनंतर पोलिसांनी तपास सुरू केला असून आरोपीचा शोध सुरू आहे.

• विरारच्या शिरगाव खदानीत RTI कार्यकर्त्याची हत्या झाली.
• हल्ल्यात मंडळ अधिकारी प्रभाकर पाटील किरकोळ जखमी झाले.
• पोलिसांनी आरोपीचा शोध आणि तपास सुरू केला आहे.

पालघर: पालघर जिल्ह्यातून एक धक्कादायक घटना समोर आली आहे. भरदिवसा एका RTI कार्यकर्तायची निर्घृण हत्या केल्याचे समोर आले आहे. विशेष म्हणजे ही घटना मंडळ अधिकारी प्रभाकर पाटील यांच्या समोरच घडली. हत्या झालेल्या व्यक्तीचे नाव आत्माराम पाटील असे आहे. ते विरार पूर्वेतील शिरगाव परिसरातील खदानीत RTI कार्यकर्ते होते. तर प्रभाकर पाटील या हल्ल्यात किरकोळ जखमी झाले. त्यांच्या वाहनांचीही मोठ्या प्रमाणात तोडफोड करण्यात आली.

काय नेमकं घडलं?

मृतक आत्माराम पाटील हे माहितीच्या अधिकाराचा वापर करून विविध प्रकरणांमध्ये पाठपुरावा करणारे RTI कार्यकर्ते म्हणून ओळखले जात होते. मंगळवारी दुपारी सुमारे दीड वाजण्याच्या सुमारास आत्माराम पाटील हे वसई तहसील कार्यालयातील मंडळ अधिकारी प्रभाकर पाटील यांच्यासोबत शिरगाव येथील खदानी परिसरात गेले होते. ते व्हॅगनआर कारने घटनास्थळी पोहोचले होते. त्यावेळी त्यांच्यावर हल्ला करण्यात आला.

Dharashiv Crime : कळंब पोलीस ठाण्यात ACB ची धडक कारवाई; 36 हजारांची लाच घेताना पोलीस अंमलदार जेरबंद

खदान मालक महेश भोईर याने त्यांच्या वाहनाची तोडफोड केली. त्यानंतर झालेल्या वादातून आत्माराम पाटील यांच्यावर दगडाने हल्ला करण्यात आला. या हल्ल्यात त्यांचा मृत्यू झाला. या घटनेची माहिती मिळताच विरार पोलीस तातडीने घटनास्थळी दाखल झाले. पंचनामा करून पुरावे गोळा करण्यात आले आहे . आरोपीचा शोध आणि पुढील तपास सुरू आहे.

ही हत्या खदानीशी संबंधित वादातून झाली की अन्य कोणत्या कारणामुळे याचा तपास पोलीस करत आहे. पोलिसांकडून सर्व शक्यता तपासल्या जात आहेत. आरोपीचा शोध आणि पुढील तपास सुरू आहे.भरदिवसा घडलेल्या या हत्येमुळे विरार आणि परिसरात भीतीचे वातावरण निर्माण झाले आहे. RTI कार्यकर्त्यांच्या सुरक्षेचा मुद्दाही पुन्हा एकदा ऐरणीवर आला आहे.

वसई-विरार पट्ट्यात ‘मृतदेहांची मालिका’ सुरूच; 15 दिवसांत सहावी घटना, नागरिकांमध्ये भीतीचे वातावरण

वसई-विरार आणि नालासोपारा पट्ट्यात गेल्या काही दिवसांपासून मृतदेह सापडण्याची मालिका सुरु आहेच. आता पुन्हा एकदा रविवारी सायंकाळी मुंबई-अहमदाबाद महामार्गावर महामार्गावरील विरार फाटा येथे एका अज्ञात पुरुषाचा सडलेल्या अवस्थेतील मृतदेह कचऱ्याजवळ आढळून आल्याचे समोर आले आहे. गेल्या १५ दिवसांत ही सहावी घटना आहे. या घटनेमुळे नागरिकांमध्ये असुरक्षिततेची भावना निर्माण झाली आहे.

येरवडा कारागृहातून जन्मठेपेची शिक्षा भोगणारा कैदी पळाला; जेवून येतो म्हणून गेला अन्…