Crime News: अल्पवयीन खेळाडूवर कथित लैंगिक अत्याचार; प्रशिक्षकाविरोधात FIR दाखल
पटियाला शहर पोलीस अधीक्षक मोहित अग्रवाल यांनी दिलेल्या माहितीनुसार, आरोपीविरोधात भारतीय न्याय संहितेतील कलम 64(2) आणि 351(3) तसेच पॉक्सो कायद्यान्वये गुन्हा दाखल करण्यात आला आहे. पोलिसांकडून या प्रकरणातील उपलब्ध पुरावे आणि संबंधित तथ्यांची चौकशी सुरू आहे.
तपासादरम्यान आरोपी दिल्लीतील एका सायकलिंग शिबिरात सहभागी होण्याची शक्यता असल्याची माहिती पोलिसांना मिळाली. या माहितीच्या आधारे विशेष पथकांनी अनेक ठिकाणी छापे टाकले. मात्र, आरोपीचा ठावठिकाणा लागलेला नाही. पोलिसांनी त्याचा पासपोर्ट जप्त केला असून त्याचा शोध सुरू आहे.
अल्पवयीन खेळाडूची आवश्यक वैद्यकीय तपासणी करण्यात आली आहे. वैद्यकीय तपासणीतील निष्कर्ष आणि तपासादरम्यान समोर येणाऱ्या इतर तथ्यांच्या आधारे पुढील कारवाई केली जाणार असल्याचं पोलिसांनी सांगितलं आहे.
पॉक्सो कायद्यानुसार अल्पवयीन पीडितेची ओळख गोपनीय ठेवण्यात आली आहे. तिचं नाव, फोटो, पत्ता किंवा ओळख उघड होईल अशी कोणतीही माहिती प्रसिद्ध करू नये, असं आवाहन करण्यात आलं आहे. प्रसारमाध्यमे आणि इतर व्यक्तींनी पीडित मुलगी व तिच्या कुटुंबीयांशी थेट संपर्क टाळण्यास सांगण्यात आलं आहे.
.png "Videos"){kind=small}
