पाटण्यात धक्कादायक घटना; मुलाच्या नशेच्या सवयीवरून वाद, जळालेल्या अवस्थेत सापडला आईचा मृतदेह

पाटण्यात आई-मुलाच्या नात्याला धक्का देणारी धक्कादायक घटना समोर आली आहे. एका महिलेचा जळालेल्या अवस्थेतील मृतदेह आढळल्यानंतर पोलिसांनी तपास सुरू केला असून, या प्रकरणात मुलावर संशय व्यक्त केला जात आहे.

• भाड्याच्या घरात ६० वर्षीय महिलेचा जळालेल्या अवस्थेत मृतदेह
• अमली पदार्थांच्या सेवनावरून आई-मुलामध्ये वारंवार वाद होत असल्याची माहिती
• एफएसएल पथकाकडून घटनास्थळाची तपासणी; शवविच्छेदन अहवालाची प्रतीक्षा

आई-मुलाच्या नात्याला काळीमा फासणारी एक धक्कादायक घटना समोर येत आहे. पाटणा शहरातील खाजेकला पोलिस ठाण्याच्या परिसरात एका महिलेचा जळलेल्या अवस्थेत मृतदेह सापडला ज्यामुळे सर्वत्र एकच खळबळ उडाली. महिला भाड्याच्या घरात आपल्या मुलासोबत राहत होती. अशात मुलावर आता आईच्या हत्येचा आरोप लावला जात आहे. मृतदेहाची ओळख ६० वर्षीय रेखा देवी उर्फ मंजू देवी अशी पटली आहे. या प्रकरणात गुन्हा दाखल केला असून पोलिस प्रकरणाचा सखोल तपास करत आहेत. चला सविस्तर तपशील जाणून घेऊया.

मोठी बातमी ! आमदार अमित गोरखे यांच्या वाहनाला नाशिकमध्ये अपघात; दोन वाहनांमध्ये झाली धडक

पोलिसांचा तपास सुरु

एएसपी राजकिशोर सिंह यांनी सांगितले की, अमली पदार्थांच्या सेवनावरून आई आणि मुलामध्ये सतत वाद होत असायचे. प्रकरणाची माहिती मिळताच खजेकलान पोलिस ठाण्यातील अधिकाऱ्यांनी दुल्ली घाटाजवळ पोहचून घटनास्थळावरुन मृतदेह आपल्या ताब्यात घेतला. त्यांनी घटनास्थळाचे नीट निरीक्षण केले, एफएसएल टीमनेही घटनास्थळी दाखल होऊन संपूर्ण तपास केला आणि तिथून सर्व पुरावे गोळा केले. आरोपी मुलगा आणि आजूबाज्याच्या लोकांचीही चाैकशी करुन घटनेसंबंधित आवश्यक माहिती गोळा करण्यात आली. पोलिस सध्या घटनेचा तपास करुन आरोपीचा शोध घेण्याचा प्रयत्न करत आहे. यासोबतच हत्येमागचे नेमके कारण समजून घेण्याचा प्रयत्न पोलिस करत आहेत.

धक्कादायक ! घरखर्चाचा वाद बेतला जीवावर; संतापलेल्या मुलाने थेट बापाच्या पोटात भोसकला स्क्रू ड्रायव्हर

पोलिस अधिकारी करणार अंतिम संस्कार

पोलिसांनी संशयित आरोपी मुलाची चाैकशी केली असून अद्याप गुन्हा सिद्ध झालेला नाही. एएसपी राजकिशोर सिंह यांनी सांगितले की, शवविच्छेदन अहवाल प्राप्त झाल्यानंतर वृद्ध महिलेच्या मृत्यूचे नेमके कारण स्पष्ट होईल. या अहवालानंतरच पुढील कायदेशीर कारवाई देखील केली जाईल. शवविच्छेदनानंतर, पोलीस देखरेखीखाली संबंधित महिलेवर पोलिसांकडून अंत्यसंस्कार केले जाणार आहेत. यानंतर संबंधित कलमांअंतर्गत आरोपीवर योग्य ती शिक्षा देण्यात येईल.