शनिवार, 12 सप्टेंबर 2026
सौजन्य फोटो - AI Gemini
लग्नासाठी वारंवार फोन केल्याचा आरोप
मिळालेल्या माहितीनुसार, निंभोरा (ता. सोयगाव) येथील करण अनिल वाघ हा तरुण गेल्या काही दिवसांपासून गोंदेगाव येथील १९ वर्षीय तरुणीला वारंवार फोन करून लग्नासाठी तगादा लावत असल्याचा आरोप आहे. केवळ फोनवरूनच नव्हे, तर तो तिच्या घरी जाऊनही धमकावत असल्याचे फिर्यादीत नमूद करण्यात आले आहे. लग्नासाठी दबाव टाकत धमक्या दिल्यामुळे तरुणी मानसिक तणावाखाली असल्याचे कुटुंबीयांनी पोलिसांना सांगितले. या सततच्या त्रासामुळे ती भयभीत झाली होती, असा आरोप करण्यात आला आहे.
तरुणीचा मृत्यू
करण वाघ याच्याकडून होत असलेला कथित मानसिक त्रास आणि धमक्या असह्य झाल्याने तरुणीने बुधवारी रात्री गोंदेगाव येथील राहत्या घरी आत्महत्या केली. घटनेची माहिती मिळताच सोयगाव पोलिसांचे पथक घटनास्थळी दाखल झाले. या घटनेनंतर परिसरात हळहळ व्यक्त करण्यात आली. मृत तरुणीच्या मामाने याप्रकरणी सोयगाव पोलीस ठाण्यात फिर्याद दिली.
१० तासांत संशयिताला अटक
फिर्यादीवरून पोलिसांनी करण अनिल वाघ याच्याविरुद्ध गुन्हा दाखल केला. घटनेचे गांभीर्य लक्षात घेऊन पोलिसांनी तपासाला वेग दिला. गुन्हा दाखल झाल्यानंतर अवघ्या दहा तासांत गुरुवारी रात्री निंभोरा येथून करण वाघ याला ताब्यात घेऊन अटक करण्यात आली.
न्यायालयाकडून एक दिवसाची पोलीस कोठडी
पोलिसांनी शुक्रवारी करण वाघ याला न्यायालयात हजर केले. न्यायालयाने त्याला एक दिवसाची पोलीस कोठडी सुनावली आहे. रुणीला आणखी कोणत्या प्रकारे त्रास देण्यात आला होता का, धमकावण्याच्या प्रकारामागे नेमके काय कारण होते आणि या प्रकरणात आणखी काही तथ्ये आहेत का, याचा तपास सोयगाव पोलीस करत आहेत. प्रकरणातील आरोपांची पुढील तपासातून पडताळणी केली जाणार आहे.
