Pune Murder Case: मित्राचाच निघाला काळ! दारूच्या नशेत केली निर्घृण हत्या, धड अन् पाय वेगळे करून वेगवेगळ्या गल्लीत फेकले!

Pune Murder Case: पिंपळे गुरवमध्ये कचऱ्याच्या पोत्यात सापडले मानवी पाय; दारूच्या नशेत झालेल्या वादातून ५० वर्षीय मित्राचीच निर्घृण हत्या करून मृतदेहाचे तुकडे फेकून देणाऱ्या नराधमाला पोलिसांच्या बेड्या!

• पुण्यात कचऱ्याच्या पोत्यात सापडले मानवी पाय
• दारूच्या नशेत मित्रानेच केली मित्राची हत्या
• तुकडे करून फेकणाऱ्या विष्णू कुंभारला अटक

Pune Murder Case: पुण्यातून एक अत्यंत भयंकर आणि काळजाचा ठोका चुकवणारी घटना समोर आली आहे. पिंपळे गुरव परिसरात नेहमीप्रमाणे कचरा गोळा करण्याचे काम सुरू असताना सफाई कर्मचाऱ्यांना रस्त्याच्या कडेला रक्ताचे डाग असलेले एक पोतं आढळले. हे पोतं उघडून पाहिल्यानंतर आत गुडघ्यापासून वेगळे केलेले मानवी पाय आढळले, ज्यामुळे संपूर्ण परिसरात एकच खळबळ उडाली.

हेही वाचा: Cyber Fraud News: फेसबुकवरून स्वस्तात साडी खरेदी करणे पडले महागात; ७१ वर्षीय सेवानिवृत्त मुख्याध्यापिकेची साडेआठ लाखांची फसवणूक!

नेमकं काय घडलं?

सफाई कर्मचारी कृष्णा लोट आणि ओमकार काळे हे कचरा गोळा करत असताना त्यांना रस्त्याच्या कडेला एका संशयास्पद पोत्यावर रक्ताचे डाग दिसले. पोतं उघडून पाहताच त्यात मानवी पाय आढळले. या घटनेची माहिती मिळताच पोलिसांनी तात्काळ घटनास्थळी धाव घेत तपासाची चक्रं वेगाने फिरवली. मृतदेहाचे डोकं आणि चेहरा नसल्यामुळे ओळख पटवणे पोलिसांसमोर मोठे आव्हान होते, मात्र रात्री साडेअकराच्या सुमारास मृत व्यक्तीची ओळख पटवण्यात पोलिसांना यश आले. खून झालेल्या व्यक्तीचे नाव अनिल खाडे (वय ५०) असल्याचे समोर आले.

हेही वाचा:Bengaluru Family Murder Case : सात नातेवाईकांच्या हत्येत अल्पवयीन मुलीची भूमिका संशयास्पद; वडिलांसोबत कटात सहभागी असल्याचा आरोप

मित्रानेच केली निर्घृण हत्या

पोलिसांच्या कसून चौकशीत हा खून अत्यंत जवळच्या मित्रानेच केल्याचे निष्पन्न झाले. विष्णू कुंभार या नराधमाने दारूच्या नशेत झालेल्या वादातून अनिल खाडे यांची हत्या केली. हत्या केल्यानंतर पुरावा नष्ट करण्यासाठी त्याने मृतदेहाचे तुकडे केले. धड नवी सांगवीतील विनायकनगर, गल्ली क्रमांक एकमध्ये तर दोन्ही पाय श्रीनगर, गल्ली क्रमांक तीनसमोर फेकून दिले होते. आरोपी विष्णू कुंभार याच्यावर यापूर्वी वाहनचोरीचा गुन्हाही दाखल असल्याचे पोलिसांनी सांगितले आहे. या अत्यंत क्रूर आणि थरारक घटनेने पुणे शहर हादरले असून नागरिकांमध्ये भीतीचे वातावरण पसरले आहे.