Pune Crime: 400 रुपयांत बनवली बॉम्बसदृश्य वस्तू, पुणे हादरवणारा आरोपी नागपूर स्टेशनवर जेरबंद; एटीएस चौकशी करणार

पुण्यातील हडपसरमधील हॉस्पिटलमध्ये बॉम्बसदृश्य वस्तू ठेवणाऱ्या शिवाजी राठोडला नागपूर रेल्वे स्थानकावर अटक करण्यात आली. खंडणी उकळण्यासाठी त्याने हा कट रचल्याचा संशय असून ATSकडून चौकशी सुरू आहे.

• हडपसरमधील नामांकित हॉस्पिटलमध्ये बॉम्बसदृश्य वस्तू ठेवून आरोपी फरार झाला होता.
• नागपूर रेल्वे स्थानकावरून शिवाजी राठोडला अटक करण्यात आली.
• खंडणी उकळण्यासाठी आरोपीने 400 रुपयांत बॉम्बसदृश्य वस्तू तयार केल्याचा संशय.

पुणे: पुण्यातील हडपसर भागात एका नामांकित हॉस्पिटल मध्ये बॉम्ब सदृश्य वस्तू एका आरोपीने ठेवली होती. त्याने ही वस्तू ठेवून पळून गेला. मात्र या घटनेने संपूर्ण शहरात एकच खळबळ उडाली होती. स्वतः राज्याचे गृहमंत्री देवेंद्र फडणवीस यांनी हा एक मोठ्या कटाचा भाग आहे. अशी शक्यता व्यक्त केली होती. मात्र आता या प्रकरणात शिवाजी राठोड याला अटक करण्यात आली आहे. त्याला पुण्यातून पळून जात असताना तो नेपाळच्या दिशेने निघाला होता. मात्र काल नागपूर रेल्वे स्टेशनवर त्याला अटक करण्यात आली आहे. सुरुवातीला त्याच्या पुण्यातील मांजरी मधील घरी छापा मारण्यात आला. तेव्हा घरी त्याने ऑनलाइन पद्धतीने मागवलेल्या घड्याळाचा बॉक्स तिथे पाहायला मिळाला. त्यावरून पोलिसांनी आरोपी निश्चित केला आणि त्यावरून तपास केला असता तो पळून गेल्याचे निष्पन्न झाल. काल त्याला अटक करण्यात आली आहे.

शिवाजी राठोड याने हे अस का केला?

शिवाजी राठोड याचा खंडणी उकळण्याचा डाव होता. त्याने ही वस्तू ठेवली आणि त्यानंतर तो तिथून फरार झाला. मात्र एटीएस, पुणे पोलीस गुन्हे शाखा आणि नंतर स्थानिक पोलीस यांची वेगवेगळी पथक तैनात करण्यात आली होती. अनेकांची यामध्ये चौकशी करण्यात आली मात्र आरोपी मिळत नव्हता. शेवटी नागपूर रेल्वे स्थानक परिसरात हा आरोपी आढळून आला.

त्याने हे का केल? त्याला नक्की काय झाल होत?

• या प्रकरणातील इनसाइड माहीती
• कारवाई करत असताना पोलिसांना आरोपीच्या घरात २ किलो गांजा अडकून आला .
• तो नेपाळला बहिणीकडे पळून जाण्याच्या तयारीत होता. त्याला नागपूर रेल्वे स्थानकावर अटक करण्यात आली.
• आरोपीला गुप्तरोगाचा त्रास होता तो उपचार करण्यासाठी तिथे गेला होता.
• त्याला ७ लाख रुपये खर्च सांगीतला म्हणून त्याने खंडणी उकळण्यासाठी हे केल असाव असा अंदाज आहे.
• त्याने ४०० रुपयात बॉम्ब सदृश्य वस्तू बनवली आहे.
• घरात त्याच्या घड्याळ मागवल होत त्याचा बॉक्स पाहायला मिळाला.
• त्यावरून हा आरोपी निष्पन्न झाला आहे.
• त्याला नागपूर मधून पुण्यात आणल आहे. त्याची आज एटीएस चौकशी करणार आहे. आज कोर्टात हजर केल्यावर काय माहिती दिली जाईल? हे पाहण महत्वाचं आहे.