Swargate Datta Gade Custody: नराधम दत्तात्रय गाडेला 12 दिवसांची पोलिस कोठडी; स्वारगेट प्रकरणात पुढे काय होणार?

धक्कादायक! “मी बलात्कार केला नाही, आमच्यात सहमतीने संबंध झाले,” दत्ता गाडेचा पोलिसांसमोर खुलासा

दत्ता गाडेचा पोलिसांसमोर खुलासा

मिळालेल्या माहितीनुसार, आरोपी दत्ता गाडेने यांनी पोलिस कोठडीत टाहो फोडला. माझं चुकलं, मी पापी आहे, असं म्हणत तो रडत असल्याचे पुढे आलं आहे. तसेच मी तरुणीवर अत्याचार केला नाही. आमचे सहमतीने संबंध झाले, असा दावा आरोपीने पोलिसांसमोर केला असल्याचे सांगण्यात आलं आहे.

नराधम गाडे नेमकं कसा पळाला?

दत्तात्रय गाडे हा पोलिसांच्या रेकॉर्डवरील गुन्हेगार आहे. त्याच्यावर स्वारगेट पोलिसांत १, शिक्रापूर येथे दोन तसेच शिरूर, कोतवाली व सुपा येथे प्रत्येकी एक असे ६ गुन्हे नोंद आहेत. हे सर्व गुन्हे मोबाईल स्नॅचिंगचे आहे. तो स्मार्ट आहे. घटनेच्या दिवशी तो मध्यरात्री गावावरून भाजीच्या गाडीत स्वारगेटपर्यंत आला होता. तेथून तो स्वारगेट बसस्थानकात थांबला, असेही समोर आले आहे.

शर्ट बदलले, बुट काढून चप्पल घातली; नराधम गाडे नेमकं कसा पळाला?

अत्याचारानंतर तो थेट त्याच्या मूळ गावी गेला. घरी जाऊन त्याने शर्ट बदलले. बुट काढून चप्पल घातली. नंतर तो पसार झाला. पोलीस अडीच ते तीनच्या सुमारास त्याच्या घरापर्यंत पोहचले देखील. पण, तोपर्यंत तो निघून गेलेला होता. पोलीस त्याच्या भावाला पाहिले. पोलिसांना भाऊ आरोपीसारखाच दिसत होता. त्यामुळे त्याला घेऊन आले. मात्र, काही वेळाने तो त्याचा भाऊ असल्याचे समोर आल्यानंतर चौकशी करून पुन्हा त्याचा माग काढला. भावानेच पोलिसांना तुम्ही येण्यापुर्वीच तो घरातून निघून गेला होता, अशी माहिती दिली. भावाच्या सांध्र्यामुळे पोलिसांच्या हातून तो निसटला गेला.

रात्री एका घरी त्याने पाणी प्यायले…

दत्तात्रयला पोलीस शोधत असल्याचे लक्षात येताच त्याने पोबारा केला. तो शेता-शेतात लपून फिरत होता. शिरूर भागात मोठी उस शेती व इतर बागायती शेती आहे. तो उसातून, व इतर बागायती शेतातून पळा-पळ करत होता. रात्री साडे आठच्या सुमारास त्याने अशाच शेतातील एका घरात पाणी मागितले. आजीने त्याला पाणी दिले. पण, आजीने त्याला अरे तू तर टीव्हीवर दिसत आहेत असे विचारलेही, पण तो पाणी पिऊन पसार झाला.

संबंधित बातम्या