Koyta Gang Attack: रात्रीच्या अंधारात हादरले हडपसर! सुरक्षक्षकावर जीवघेणा हल्ला करून पळणाऱ्या गुंडांनी तब्बल ११ गाड्या फोडल्या…

Koyta Gang Attack: कोयत्याचा धाक आणि रक्ताचा थरार! पुण्याच्या हडपसरमध्ये सुरक्षक्षकावर जीवघेणा हल्ला करत गँगने फोडल्या ११ गाड्या; सीसीटीव्ही फुटेजमुळे उघडकीस आले भयानक सत्य!

• चिंतामणीनगर भाजी मार्केटमध्ये कोयता गँगचा धुमाकूळ
• सुरक्षक्षकावर वार करून गंभीर जखमी केले व पळून जाताना ११ वाहनांची तोडफोड
• काळेपडळ पोलीस ठाण्यात गुन्हा दाखल 

Koyta Gang Attack: पुण्याच्या हडपसर भागात कोयता गँगची दहशत पुन्हा एकदा उघडकीस आली आहे. महापालिकेच्या हांडेवाडी रस्त्यावरील चिंतामणीनगर येथील भाजी मार्केटमध्ये एका सुरक्षक्षकावर कोयत्याने सपासप वार करून त्याला गंभीर जखमी केल्याची धक्कादायक घटना घडली आहे. विशेष म्हणजे, हल्ल्यानंतर पळून जाताना आरोपींनी रस्त्यावरील तब्बल १० कार आणि १ बस अशा ११ वाहनांची अमानुष तोडफोड करत संपूर्ण परिसरात मोठी दहशत माजवली.

हेही वाचा: Nashik Case: अशोक खरात प्रकरणाची पुनरावृत्ती? “पती दोन महिन्यांत मरेल! भोंदूबाबाने “प्रेमविवाह मोडण्यासाठी  रचला काळाकुट्ट कट!

नेमकी कशी घडली घटना?

मिळालेल्या माहितीनुसार, शनिवारी रात्री दीड वाजण्याच्या सुमारास चिंतामणीनगरमधील चिंतामणी भाजी मंडई परिसरात हा थरार घडला. आकाश लक्ष्मण कोठावळे (वय २९, रा. गाडीतळ, हडपसर) असे गंभीर जखमी झालेल्या सुरक्षक्षकाचे नाव आहे. आरोपींनी जीवे मारण्याच्या उद्देशाने आकाशचा पाठलाग केला आणि त्यांच्यावर कोयत्याने भीषण हल्ला केला. या हल्ल्यात रक्ताच्या थारोळ्यात खाली कोसळलेल्या आकाशाला तेथील स्थानिक नागरिकांनी पोलिसांच्या मदतीने तातडीने खासगी रुग्णालयात उपचारासाठी दाखल केले. या संपूर्ण हल्ल्याचा प्रकार परिसरातील सीसीटीव्ही कॅमेऱ्यात कैद झाला आहे.

हेही वाचा: Pandharpur: “अचानक विहीर कोसळली अन्…” पंढरपूरमध्ये सुरू असलेल्या खोदकामादरम्यान भीषण दुर्घटना; मातीच्या ढिगाऱ्याखाली चारजण…

वाहनांची तोडफोड आणि दोन आरोपी जेबेबंद

सुरक्षक्षकावर हल्ला केल्यानंतर तिथून पसार होत असतानाही आरोपी थांबले नाहीत. त्यांनी जेएसपीएम कॉलेजच्या शेजारील आदर्शनगर परिसरातील रस्त्यावर उभ्या केलेल्या १० कार आणि १ बसची कोयत्याने तोडफोड करत गाड्यांचे मोठे नुकसान केले. या प्रकरणाची गंभीर दखल घेत जखमी आकाशचे वडील लक्ष्मण बाबुराव कोठावळे (वय ५७) यांनी काळेपडळ पोलीस ठाण्यात फिर्याद दिली आहे.

पोलिसांनी या प्रकरणी तिघांवर गुन्हा दाखल केला असून, तत्परता दाखवत हल्ला करणाऱ्यांपैकी अंजू उर्फ महमंद हुसेन शब्बीर शेख आणि अविनाश सतीश केकाणे या दोघांना बेड्या ठोकल्या आहेत. तर इतर आरोपी सध्या फरार असून पोलीस त्यांचा कसून शोध घेत आहेत. या प्रकरणाचा पुढील तपास पोलीस उपनिरीक्षक पूजा पाटील करत आहेत.