Pune Crime News: पुण्यात आलिशान फ्लॅटवर लंडनच्या विद्यार्थिनीचा ५ दिवस कुजलेला मृतदेह; एसीमुळे शेजाऱ्यांनाही लागला नाही सुगावा!

Pune Crime News: लंडनमध्ये शिकणाऱ्या संभाजीनगरच्या मुग्धा देशमुखचा पुण्यातील एका आलिशान फ्लॅटवर ५ दिवस कुजलेल्या अवस्थेत मृतदेह आढळल्याने खळबळ उडाली आहे. मृतदेह कुजत असतानाही शेजाऱ्यांना संशय आला नाही, कारण फ्लॅटमध्ये एसी सतत सुरू होता. ही आत्महत्या आहे की भयानक घातपात?

• लंडनहून परतलेल्या मुग्धाचा फ्लॅटमध्ये कुजलेल्या अवस्थेत मृतदेह
• ४-५ दिवसांपासून मृतदेह आत, पण एसी सुरू असल्याने शेजाऱ्यांना सुगावा नाही
• संपर्क तुटल्यानंतर ऑनलाईन ऑर्डर व तांत्रिक तपासाद्वारे पोलिसांनी शोधला

Pune Crime News: लंडनमध्ये राहून एमबीएचं शिक्षण घेणाऱ्या छत्रपती संभाजीनगरच्या एका ३४ वर्षीय तरुणीचा पुण्यातील एका आलिशान फ्लॅटवर कुजलेल्या अवस्थेत मृतदेह आढळल्याने संपूर्ण महाराष्ट्रात एकच खळबळ उडाली आहे. मुग्धा देशमुख असे या दुर्दैवी तरुणीचे नाव आहे. ती जुलै २०२५ मध्ये शिक्षणासाठी लंडनला गेली होती. मात्र, अचानक ५ दिवसांपासून बंद असलेल्या पुण्यातील गहुंजे येथील फ्लॅटमध्ये तिचा मृतदेह अत्यंत भयानक स्थितीत आढळल्याने अनेक गंभीर प्रश्न उपस्थित झाले आहेत.

हेही वाचा: Student Suicide News: “मी तुला सांभाळले असते…” पेपरच्या तणावातून एकुलत्या एका मुलाने संपवले आयुष्य; सांगलीत शोककळा!

आईशी शेवटचे बोलणे आणि लंडनचे गूढ

मिळालेल्या माहितीनुसार, २३ ऑक्टोबर रोजी मुग्धाचे तिच्या आईशी शेवटचे बोलणे झाले होते. त्यावेळी तिने आपण एका मुलाखतीसाठी जात असल्याचे सांगत घाईत असल्याचे सांगितले होते. यानंतर तिचा कुटुंबीयांशी संपर्क पूर्णपणे तुटला. काळजीपोटी कुटुंबीयांनी लंडन येथील तिच्या मैत्रिणींकडे चौकशी केली असता, मुग्धा ऑगस्टच्या शेवटीच भारतात परतल्याचे समजल्याने सर्वांनाच धक्का बसला.

कुटुंबीयांनी तिच्या बँक खात्याचे स्टेटमेंट तपासले असता झोमॅटो (Zomato), स्विगी (Swiggy) आणि ब्लिंकीट (Blinkit) वरून काही ऑर्डर केल्याचे दिसून आले. ती भारतातच असल्याचे स्पष्ट झाल्यावर कुटुंबीयांनी तातडीने पोलिसांत धाव घेत अपहरणाचा संशय व्यक्त केला. पोलिसांनी तांत्रिक तपासाच्या आधारे गहुंजे येथील एका उच्चभ्रू इमारतीतील फ्लॅट गाठला.

हेही वाचा: Mother Son Suicide News: सीसीटीव्ही फुटेजने उघडले गुपित! मातेने चिमुरड्याला १८ व्या मजल्यावर नेऊन संपवले आयुष्य; वाकडमधील थरार!

एसी आणि फॅन सुरू; दुर्गंधी बाहेर आलीच नाही!

पोलिसांनी जेव्हा दरवाजा उघडून आत प्रवेश केला, तेव्हा बेडवर मुग्धाचा कुजलेला मृतदेह आढळला. प्राथमिक अंदाजानुसार, तिचा मृत्यू ४ ते ५ दिवसांपूर्वी झाला असावा. इतके दिवस मृतदेह कुजत असूनही शेजाऱ्यांना कसलाच संशय आला नाही. पोलीस सूत्रांनी दिलेल्या माहितीनुसार, पोलिसांनी रुममध्ये प्रवेश केला तेव्हा फ्लॅटमधील फॅन आणि एसी continuously सुरू होते. मागील ४-५ दिवसांपासून एसी सुरू राहिल्यामुळेच मृतदेहाची दुर्गंधी बाहेर पसरली नाही. त्यामुळे मुग्धाने स्वतः जीवन संपवण्यापूर्वी हे प्लॅनिंग केले होते की तिच्यासोबत काही घातपात घडवून एसी सुरू ठेवण्यात आला, असा दाट संशय व्यक्त होत आहे. पोलीस सध्या सर्व बाजूंनी या प्रकरणाचा सखोल तपास करत आहेत.