आंतरराज्य सोनसाखळी चोरट्यांना अटक
पुणे : राज्यात गुन्हेगारी वाढली आहे. दररोज राज्यातील वेगवेगळ्या भागातून गुन्हेगारीसंदर्भातील घडामोडी उघडकीस येत असतात. गुन्हेगारी रोखण्यासाठी पोलिसांकडूनही प्रयत्न सुरु आहेत. मात्र प्रत्येक घटना रोखण्यात पोलिसांनाही यश मिळत नसल्याचे निसून येत आहे. अशातच आता पुण्यातून एक मोठी बातमी समोर आली आहे. गुन्हे शाखेच्या युनिट तीनने गुन्हेगारांना अटक करुन त्यांच्यावर कारवाई केली आहे.
खूनाच्या गुन्ह्यातील आरोपी असलेल्या सराइत गुन्हेगारांकडून दोन पिस्तुले जप्त करण्यात आली आहेत. याप्रकरणी लक्ष्मीपुत्र नागेश बडधाळ (वय २४, रा. हरीतारा सोसायटी, भीमनगर, कोंढवे धावडे), राहुल राजु थोरात (रा. दत्तवाडी, म्हसोबा चौक, पदमगल्ली) यांना अटक केली. गुन्हे शाखेचे पोलीस उपायुक्त निखील पिंगळे यांच्या मार्गदर्शनाखाली सहायक निरीक्षक ज्ञानेश्वर ढवळे, पोलीस हवालदार मोहम्मद शेख, तुषार किंद्रे, चेतन शिरोळकर, अमित बोडरे, महेंद्र तुपसौंदर आणि पथकाने ही कामगिरी केली आहे.
मुख्यमंत्री देवेंद्र फडणवीस हे शुक्रवारी विविध कार्यक्रमांनित्त पुणे शहरात आले होते. त्या वेळी गुन्हे शाखेचे युनिट तीनचे पथक गस्त घालत होते. आरोपी लक्ष्मीपुत्र याच्याकडे पिस्तूल असल्याची माहिती पोलीस कर्मचारी अमित बोडरे आणि महेंद्र तुपसौंदर यांना मिळाली. पोलिसांच्या पथकाने सापळा लावून त्याला ताब्यात घेतले. त्याच्याकडून देशी बनावटीचे एक पिस्तूल जप्त केले. त्याची चौकशी करण्यात आली. तेव्हा दुसरे पिस्तूल साथीदार राहुल याच्याकडे ठेवण्यास दिल्याची माहिती मिळाली. त्यानंतर पोलिसांनी राहुल याला ताब्यात घेऊन त्याच्याकडून एक पिस्तूल जप्त केले. आरोपींनी पिस्तूल का बाळगले ? तसेच त्यांनी पिस्तूल कोणाकडून आणले, यादृष्टीने तपास करण्यात येत आहे.
ज्ञानेश्वर पादुका चौकात एकाला पकडले
देशी बनावटीचे पिस्तूल बाळगणाऱ्या सराइताला शिवाजीनगर पोलिसांनी अटक केली आहे. त्याच्याकडून देशी बनावटीचे पिस्तूल आणि काडतूस जप्त करण्यात आले आहे. अभिषेक राजू टेंकल (वय २३, रा. विष्णुकृपा नगर, शिवाजीनगर) असे अटक केलेल्याचे नाव आहे. वरिष्ठ निरीक्षक महेश बोळकोटगी, गुन्हे शाखेचे पोलीस निरीक्षक धनंजय पिंगळे, प्रमोद मोहिते, महावीर वलटे, सचिन जाधव व त्यांच्या पथकाने ही कामगिरी केली आहे. शिवाजीनगर भागात पोलिसांचे पथक गस्त घालत होते. त्यावेळी अभिषेक हा ज्ञानेश्वर पादुका चौकात थांबला असून त्याच्याकडे पिस्तूल असल्याची माहिती तपास पथकातील पोलीस नाईक सचिन जाधव यांना मिळाली. पोलिसांनी सापळा लावून त्याला पकडले. त्यााच्याकडून पिस्तूल आणि काडतूस जप्त करण्यात आले.
.png "Videos"){kind=small}
