इन्स्टाग्रामवर ओळख झाली अन् नंतर वारंवार अत्याचार केले; घरात कोणी नसताना आला अन्…

पीडित तरुणीने दिलेल्या फिर्यादीनुसार, संशयित मुस्तफा शेख याने ४ वर्षांपूर्वी इन्स्टाग्रामच्या माध्यमातून स्वतःची ओळख 'सोनू' अशी करून दिली होती आणि तो बौद्ध समाजाचा असल्याचे खोटे सांगितले होते.

इगतपुरी : शहरातील एका १९ वर्षीय युवतीला प्रेमाच्या जाळ्यात ओढून, तिची फसवणूक करत वारंवार अत्याचार केल्याची खळबळजनक घटना उघडकीस आली आहे. याप्रकरणी इगतपुरी पोलीस ठाण्यात गुन्हा दाखल झाल्यानंतर पोलीस निरीक्षक सारिका अहिरराव यांना आरोपीच्या मोबाईलचे लोकेशन समजले. यावेळी त्या एकट्या असताना सुद्धा मोबाईल लोकेशनचा माग काढत स्वत: जाऊन तात्काळ अटक केली.

याप्रकरणी मुस्तफा सलीम शेख (वय २४, रा. रामनगर, पेठरोड) यास अटक केली असून, तो शालिमार येथील एका कपड्याच्या दुकानात सेल्समनचे काम करतो. पीडित तरुणीने दिलेल्या फिर्यादीनुसार, संशयित मुस्तफा शेख याने ४ वर्षांपूर्वी इन्स्टाग्रामच्या माध्यमातून स्वतःची ओळख ‘सोनू’ अशी करून दिली होती आणि तो बौद्ध समाजाचा असल्याचे खोटे सांगितले होते. मात्र, कालांतराने त्याचे खरे नाव मुस्तफा शेख असल्याचे आणि तो मुस्लिम समाजाचा असल्याचे समोर आले आहे. पीडितेला धर्मांतर करण्यासाठी तिच्यावर प्रचंड दबाव टाकला जात होता. या सर्व प्रकारामुळे पीडित तरुणी अत्यंत दबावाखाली होती.

इन्स्टाग्रामच्या माध्यमातून ओळख झाल्यानंतर २३ मार्च २०२२ मध्ये, पीडिता अल्पवयीन असताना संशयिताने इगतपुरी येथील बारा बंगला परिसरात तिच्यावर बळजबरीने शारीरिक संबंध ठेवले आणि कुणाला सांगितल्यास जीवे मारण्याची धमकी दिली होती. त्यानंतर लग्न करण्यासाठी व धर्मांतर करण्यासाठी १२ डिसेंबर २०२५ व ६ जानेवारी २०२६ रोजी कपालेश्वर मंदिर परिसरात बोलावले होते. न आल्यास माझ्या मामाला सांगून तुझा सर्व परिवाराला खतम करून टाकील, अशी वेळोवेळी मुस्लिम युवकाने धमकी दिली होती.

चॉकलेटमध्ये गुंगीचे औषध दिले अन्…

पीडितेचे आई-वडील घरी नसताना संबंधित आरोपीने पीडितेच्या घरात घुसून कॅडबरी चॉकलेटच्या माध्यमातून काहीतरी गुंगीचे औषध देऊन बळजबरीने बलात्कार केल्याची माहिती पिडीतेने फिर्यादीत दिली आहे.

खोटे जबाब देण्यास आरोपीने भाग पाडले

आरोपीने तिचे फोटो आणि व्हिडिओ व्हायरल करण्याची धमकी देऊन तिला पंचवटी पोलीस ठाण्यात नेऊन खोटे जबाब देण्यासही भाग पाडले होते. मात्र, शुद्धीवर आल्यावर तिने नकार दिला आणि कुटुंबीयांना सर्व हकीगत सांगितली. इगतपुरी पोलीस ठाण्याच्या पोलीस निरीक्षक सारिका अहिरराव यांच्या मार्गदर्शनाखाली या तक्रारीची गंभीर दखल घेण्यात आली. पीडितेला न्याय मिळवून देण्यासाठी पोलीसांनी तातडीने पावले उचलत आरोपीला अवघ्या चार तासाच्या आत अटक केली.

हेदेखील वाचा : Mumbai Crime: वादातून संताप अन् टोकाचं पाऊल… पत्नीला धावत्या लोकलसमोर ढकलून हत्या; आरोपी सुरत मधून अटकेत