व्हेंटिलेटरवर असलेल्या एअर हॉस्टेसचं लैंगिक शोषण? गुरुग्रामच्या प्रसिद्ध रुग्णालयात धक्कादायक प्रकार

एका महिलेचं व्हेंटिलेटरवर असताना लैंगिक शोषण करण्यात आल्याची धक्कादायक बातमी समोर आली आहे. पीडित महिला एअर हॉस्टेस आहे. ही घटना गुरुग्राम येथील खासगी रुग्णालयात घडली आहे. पोलिसांनी अज्ञात आरोपी विरुद्ध गुन्हा दाखल केला.

ventilator(फोटो सौजन्य- pinterest)

Follow Us:

Follow Us:

व्हेंटिलेटरवर असताना एका महिलेचं लैगिक शोषण करण्यात आल्याची धक्कादायक बातमी समोर आली आहे. या प्रकरणात पीडितेच स्टेटमेंट कोर्टात मॅजिस्ट्रेट समोर नोंदवण्यात आलं आहे. तिने लीगल एडवायजरला सोबत घेऊन पोलिसात तक्रार केली आहे. पीडित महिला एअर हॉस्टेस आहे. अज्ञात आरोपी विरुद्ध गुन्हा दाखल केला आहे.

तहसीलदाराला अटक; मुलं होत नाही म्हणून पत्नीचा छळ, जिवे मारण्याची धमकी, जादूटोण्याचा प्रयत्न…

ही घटना गुरुग्राम येथील खासगी रुग्णालयात घडली आहे. उपचारासाठी आलेल्या एका एअर हॉस्टेसने पुरुष स्टाफवर लैंगिक शोषणाचा आरोप केला आहे. पोलिसात या संबंधी तक्रार नोंदवली असून पोलिसांनी तपास सुरु केला आहे. रुग्णालयातील सीसीटीव्ही फुटेज तपासलं जात आहे. या प्रकरणाची चौकशी करु, असं रुग्णालय प्रशासनाकडून सांगण्यात आलं आहे. रुग्णालयाकडून एक पत्र जारी करण्यात आलं आहे. पोलिसांना पूर्ण सहकार्य करु असं रुग्णालयाकडून सांगण्यात आलं आहे.

ते खूप प्रसिद्ध हॉस्पिटल

पीडित एअर हॉस्टेसचा आरोप आहे की, ज्यावेळी तिच्यासोबत ही वाईट कृती करण्यात आली, त्यावेळी ती अर्ध बेशुद्धवस्थेत व्हेटिंलेटरवर होती. पण तिला संवेदना जाणवत होत्या. ती विरोध करण्याच्या स्थितीमध्ये नव्हती. रुग्णालयातून डिस्चार्ज झाल्यानंतर तिने पतीला या बद्दल माहिती दिली. त्यांनी पोलिसात तक्रार नोंदवली. ज्या हॉस्पिटलच्या मेल स्टाफवर महिलेने आरोप केलाय, ते खूप प्रसिद्ध हॉस्पिटल आहे.

सीसीटीव्ही फुटेज तपासणी

अजूनपर्यंत कुठलाही आरोप सिद्ध झालेला नाही. सीसीटीव्ही फुटेज तपासणीसाठी पोलिसांना देण्यात आलं आहे. गुरुग्राम पोलिसांनी सांगितलं की, पीडितेच स्टेटमेंट कोर्टात मॅजिस्ट्रेट समोर नोंदवण्यात आलं आहे. पोलिसांची टीम रुग्णालयाच सीसीटीव्ही फुटेज तपासत आहे. लवकरच आरोपीची ओळख पटवून त्याला अटक करण्यात येईल.

स्विमिंग पूलमध्ये आंघोळ करतांना बिघडली तब्येत

पीडिता पश्चिम बंगालची राहणारी आहे. ती एका एअरलाइन्स कंपनीत नोकरी करते. कंपनीकडून ती ट्रेनिंगसाठी गुरुग्राम येथे आली होती. शहरातील एका फाइव्ह स्टार हॉटेलमध्ये ती उतरली होती. स्विमिंग पूलमध्ये आंघोळ करत असताना अचानक तिची तब्येत बिघडली. उपचारासाठी ती 5 एप्रिलला गुरुग्रामच्या या प्रसिद्ध रुग्णालयात दाखल झाली.

Web Title: Sexual abuse of air hostess on ventilator shocking revelation at gurugrams famous hospital

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com