गर्भवती पत्नीची जवानाने केली हत्या;
वाशिम : सैन्य दलात असणाऱ्या लष्कर जवानाने आपल्या 7 महिन्यांच्या गर्भवती पत्नीची हत्या केल्याची धक्कादायक घटना समोर आली आहे. या घटनेने वाशिम जिल्ह्यात खळबळ उडाली आहे. याप्रकरणी मृत महिलेच्या भावाच्या फिर्यादीवरून हत्येचा गुन्हा दाखल करण्यात आला आहे. यामध्ये पतीसह सासू-सासऱ्यांना अटक केली आहे.
मध्यप्रदेशच्या बुऱ्हाणपूर येथून कारंजा येथे आले. तेव्हा दीपाली त्यांना मृत अवस्थेत आढळून आली. दीपालीचा भाऊ आणि आई-वडिलांना माहिती मिळताच महिलेचा भाऊ राहुल माने याने आरोप करत सांगितले की, ज्ञानेश्वर मदने याचे दुसऱ्या महिलेशी अनैतिक संबंध होते, त्यामुळे तो दीपालीचा छळ करत होता, असा आरोप आहे. यामध्ये त्याने दीपालीची हत्या केल्याचे सांगण्यात आले.
मृतक महिलेचा भाऊ राहुल माने यांनी पोलीस ठाण्यात तक्रार दाखल केली. ज्ञानेश्वर मदने याचे दुसऱ्या महिलेशी अनैतिक संबंध होते, असा आरोप तक्रारीमध्ये केला आहे. त्यामुळे तो दीपालीचा छळ करत होता. काही महिन्यांपूर्वी या प्रकरणी दोन्ही कुटुंबांमध्ये परस्पर समन्वयाने हे प्रकरण मिटवण्यात आले होते. मात्र, अखेर दीपालीचा अमानुष छळ करून तिची हत्या करण्यात आल्याचे फिर्यादीमध्ये नमूद आहे.
या प्रकरणाची माहिती मिळताच पोलिसांनी घटनास्थळ गाठून पंचनामा केला. रुग्णालयातील मृतदेहाची पाहणी केली. त्यावेळी मृत दीपालीच्या गळ्यावर काही खुणा दिसून आल्या होत्या. त्यावरून पोलिसांना महिलेची हत्या झाल्याचा संशय आला होता. मृतक महिलेच्या भावाने फिर्याद दाखल केली. त्यावरून लष्करी दलातील जवान ज्ञानेश्वर मदने आणि त्याच्या आई-वडिलांवर हत्येचा गुन्हा दाखल करून पोलिसांनी त्यांना अटक केली आहे.
.png "Videos"){kind=small}
