भीषण अपघात; ट्रॅक्टर अन् डिव्हायडरला धडकल्याने दोन दुर्घटना, ४ जणांचा मृत्यू

दोन वेगवेगळ्या दुचाकीच्या दुर्दैवी घटना घडल्या आहे. या अपघातात ४ जणांचा मृत्यू झाला आहे. एक अपघात दुचाकी डिव्हायडरला धडकल्याने झाला, तर दुसरा अपघात ट्रॅक्टरला दुचाकी धडकून झाला.

गडचिरोली आणि यवतमाळ मध्ये दोन भीषण दुर्दैवी घटना घडल्या आहेत. या अपघातात ४ जणांचा मृत्यू झाला आहे. एक अपघात दुचाकी डिव्हायडरला धडकल्याने झाला तर दुसरा अपघात ट्रॅक्टरला दुचाकी धडकून झाला. माहिती मिळताच पोलिसांनी घटनास्थळी धाव घेत पंचनामा केला आहे.

एटीएममधून पैसे काढून देण्याच्या बहाण्याने ज्येष्ठाची फसवणूक; तब्बल ‘इतक्या’ लाखांना घातला गंडा

पहिली घटना यवतमाळ येथे घडली

यवतमाळ जिल्ह्यातील नागपूर तुळजापूर मार्गावरील बलवंत मंगल कार्यालयासमोर येथे घडली. दुचाकी डिव्हायडरला धडकल्याने दुचाकीवरील दोघेजण जागीच ठार झाले. प्रेम संतोष बावणे आणि रोहित आमटे असे मृतकाचे नाव आहे. वाघाडी येथून दोघेजण यवतमाळकडे येत असताना हा भीषण अपघात झाला. सध्या येथील उड्डाण पुलाचे काम सुरू आहे, हे काम सुरू असताना डिव्हायडर हे रस्त्याच्या मधोमध आहेत. त्यामुळे, या मार्गावरुन ये-जा करणाऱ्या कोणत्याही प्रवाशांना हे डिव्हायडर दिसत नाहीत. त्यामुळेच, हे अपघात होत असल्याचे तेथील स्थानिकांचे म्हणणे आहे. मात्र, आजच्या अपघातात दोन युवकांचा मृत्यू झाल्याने परिसरात हळहळ व्यक्त होत आहे. याप्रकरणी, पोलिसांनी घटनास्थळी धाव घेत पंचनामा केलाय.

दुसरी घटना गडचिरोली येथे घडली

गडचिरोलीवरून चामोर्शीकडे येत असताना कुरुड बस थांब्याजवळ घडली. उभ्या असलेल्या ट्रॅक्टरला दुचाकीची जोरदार धडक बसली. या भीषण अपघातात घटनास्थळीच दोघांचा मृत्यू झाल्याची दुर्दैवी घटना घडली. प्रतीक नीलकंठ निमसरकार (वय 26 वर्षे), सचिन विनायक रोहणकर (वय 26 वर्षे) अशी मृतांची नावे असून दोघेही चामोर्शी तालुक्यातील रहिवासी आहेत. मृतकांना शवविच्छेदनासाठी ग्रामीण रुग्णलाय चामोर्शी येथे आणण्यात आले असून पुढील तपास पोलीस करीत आहे.

UP Crime : जाड्या म्हणून हिणवलं, तरुणाने २० KM पर्यंत केला थरारक पाठलाग, दोघांवर झाडल्या गोळ्या