पहिल्या लग्नापासूनचा मुलगा पत्नीने आणला घरी, फसवणुकीमुळे संतापून सावत्र बापाने केली क्रूर हत्या

एका सावत्र बापाने संतापून साडेचार वर्षाच्या मुलाची क्रूर हत्या केल्याची धक्कादायक घटना समोर आली. पहिल्या लग्नापासूनचा मुलगा पत्नीने घरी आणला म्हणून या रागाच्या भरात सावत्र बापाने सावत्र मुलाचा शारीरिक छळ करून त्याची हत्या केली.

ठाणे शहरातून एक धक्कादायक बातमी समोर आली आहे. येथे एका बापाने आपल्या सावत्र मुलाचा शारीरिक छळ करून हत्या केल्याचा प्रकार समोर आला. पोलिसांनी आरोपी वडिलांविरुद्ध हत्येचा गुन्हा दाखल करून अटक करण्यात आली. दुसऱ्या लग्नानंतर मुलाची आई मुलाला काही दिवसांपूर्वी कोलकाताहून घेऊन आली होती.

हे सुद्धा वाचा: यशश्री शिंदे हत्या प्रकरणात मोठी अपडेट, उरण पोलिसांचा धक्कादायक खुलासा!

ठाणे जिल्ह्यातील चितळसर परिसरात ही धक्कादायक घटना घडली. येथे अल्पवयीन मुलाच्या आईने पहिल्या पतीपासून विभक्त झाल्यानंतर आरोपीसोबत लग्न केले होते. लग्नानंतर ती पतीसोबत राहत होती. काही आठवड्यांपूर्वी ही महिला तिचा चार वर्षांचा मुलगा मोहम्मद आर्यन याला कोलकाताहून तिच्या घरी घेऊन आली होती. पोलिसांनी सांगितले की, आरोपीला पहिल्या लग्नापासून मुलगा असल्याची माहिती नव्हती.

पत्नीने पहिल्या लग्नापासून असलेल्या मुलाला घेऊन आल्यापासून तेव्हा दोघांमध्ये भांडण सुरु होते. पोलिस अधिकाऱ्याने सांगितले की, आरोपी दिलशाद याने सावत्र मुलाची जबाबदारी घेण्यास नकार दिला होता. म्हणून संतापलेल्या सावत्र बापाने साडेचार वर्षाच्या मुलाची निर्घुण हत्या केली.

हे सुद्धा वाचा: 30 वर्षीय तरुणाची गळा आवळून हत्या, अज्ञात आरोपींचा शोध सुरू

पोस्टमॉर्टम रिपोर्टमध्ये वडिलांच्या गैरकृत्यांचा खुलासा

मुलाच्या मृत्यूनंतर पोलिसांनी रविवारी अकस्मात मृत्यूची नोंद केली. मात्र, मृतदेहाच्या पोस्टमार्टम अहवालात मुलावर गंभीर शारीरिक अत्याचार झाल्याचे स्पष्ट झाले आहे. त्याच्या बरगड्या आणि हाडे अनेक ठिकाणी तुटल्याचे आणि पोटात अंतर्गत जखमा असल्याचेही आढळून आले. त्यानंतर हत्येचा गुन्हा दाखल करण्यात आला. या प्रकरणाचा पुढील तपास सुरू होता.दिलशाद असे आरोपीचे नाव असून त्याला सोमवारी रात्री उशिरा अटक करण्यात आली. भारतीय न्याय संहिता (बीएनएस) कलम १०३ (हत्या) अन्वये चितळसर पोलीस ठाण्यात आरोपीविरुद्ध गुन्हा दाखल करण्यात आला आहे.