माजी उपमुख्यमंत्री बांदल यांच्यावरील हल्लाप्रकरणी मोठी अपडेट; आरोपीबाबत धक्कादायक माहिती समोर
पुणे : शिरोमणी अकाली दलाचे प्रमुख आणि पंजाबचे माजी उपमुख्यमंत्री सुखबीर सिंह बादल यांच्यावर हल्ला करणाऱ्याच्या विरोधात पोलिसांत गुन्हा दाखल करण्यात आला आहे. सुखवीर सिंह बादल यांच्यावर नांदेडमध्ये गुरुद्वाराजवळ हल्ला झाला होता. सुखबीर सिंह बादल यांच्यासोबत त्यांच्या पत्नी हरसिमरत कौर बादल या देखील होत्या. सुखवीर सिंह बादल यांच्यावर हल्ला केल्यानंतर संपूर्ण देशात खळबळ उडाली होती. या प्रकरणी नांदेडच्या मुदखेड पोलीस ठाण्यात गुन्हा दाखल करण्यात आला आहे.
हल्ला करणाऱ्या जसपाल सिंग याच्या पुण्यातील निवासस्थानावर जाऊन पुणे पोलिस व दहशतवादविरोधी पथकाने (एटीएस) गुरुवारी माहिती घेतली. पूलगेट परिसरातील त्याच्या घरासह वकिलीच्या कार्यालयाचीही माहिती घेतली, असल्याचे सांगण्यात आले आहे. बादल यांच्यावर गुरुवारी दुपारी नांदेड येथे हल्ला झाला. हा हल्ला मूळचा पुण्यातील असलेला जसपाल सिंग याने केल्याचे समोर आले. त्याला अटक देखील केली आहे.
सुखबीर हा मूळचा पुण्यातील पूलगेट परिसरातील आहे. त्याचे इथे घर असून, त्याची पत्नी आणि मुल राहतात. तो पुण्यात असताना वेगवेगळ्या ठिकाणी नोकरीही करत होता. मात्र. तो दोन वर्षांपासून नांदेड येथे वास्तव्यास आहे. तो त्याठिकाणी का गेला हे समोर आलेले नाही. पण त्याचे कुटुंब मात्र पुण्यात आहे. पुणे पोलिसांनी गुरुवारी त्याच्या घरी जाऊन चौकशी केली. त्याचे रेकॉर्ड पाहिले. पण त्याची पुण्यात गुन्हेगारी पार्श्वभूमी नसल्याचे सांगितले आहे.
पोलिसांनी त्याच्या पत्नीकडे त्याच्याबाबत चौकशी करून माहिती घेतली. त्याचवेळी एटीएसने देखील सुखबीर याच्याबाबत समांतर माहिती घेतली असल्याचे सांगण्यात आले. जसपाल सिंग याने ‘होला मोहल्ला’ या नावाने प्रसिद्ध होणाऱ्या वृत्तपत्रात संपादक म्हणून काम केले आहे. पत्रकारितेसोबतच तो वकिलीचा व्यवसाय करीत असल्याची माहिती आहे. दरम्यान, बादल यांच्यावर हल्ला करण्यामागील जसपाल सिंगचा नेमका हेतू काय होता, त्याचे इतर कोणाशी संबंध आहेत का, तसेच पुण्यातील त्याच्या वास्तव्याचा या प्रकरणाशी काही संबंध आहे का, याचा तपास नांदेड पोलिस यंत्रणांकडून सुरू आहे.
.png "Videos"){kind=small}
