crime (फोटो सौजन्य: social media)
उत्तर प्रदेशच्या गोंडा जिल्ह्यातून एक धक्कादायक आणि संतापजनक घटना समोर आली आहे. एका रुग्णवाहिकेतून मृतदेह स्ट्रेचरसहीत रस्त्यावर फेकला. दरम्यान यावेळी एका २४ वर्षीय मुलाच्या मृत्यूच्या घटनेनंतर ग्रामस्थ आणि कुटुंबांनी आक्रमक पवित्रा घेतला होता. ग्रामीण लखनौ-गोंडा मार्गावर आंदोलन करत होते. यादरम्यान कोणीतरी रुग्णवाहिकेतून मृतदेह स्ट्रेचरसहीत खाली टाकला. मृत व्यक्तीच नाव हृदय लाल असं आहे. ही घटना गोंडा देहात कोतवाली भागातील बालपूर जाट गावात घडली.
नेमकं काय घडलं?
पोलिसांनी सांगितल्यानुसार, १ ऑगस्टला पैश्यांवरून वाद झाला होता आणि या वादाचं रूपांतर मारहाणीत झालं. त्यात ह्रदय लाल हा गंभीर जखमी झाला. त्याचा रुग्णालयात उपचार सुरु होता मात्र उपचारादरम्यान त्याची प्राणज्योत मालवली. मंगळवारी त्याने रुग्णालयात शेवटचा श्वास घेतला. तरूणाच्या मृत्यूची बातमी गावात पसरली आणि संतापाची लाट उसळली.
कुटुंबीय आणि ग्रामस्थ हे आक्रमक झाले. ते लखनौ गोंडा मार्गावर उतरले. यानंतर पोलिसांनी तात्काळ घटनास्थळी धाव घेतली आणि त्यांना समजवण्याचा प्रयत्न केला. या दरम्यान एक रुग्णवाहिका मृतदेह घेऊन जात होती. या रुग्णवाहिकेच्या गेटवर एक व्यक्ती लटकला होता. त्याने हृदय लालचं मृतदेह स्ट्रेचरसह रस्त्यावर टाकला आणि रुग्णवाहिकेने तेथून पळ काढला. मृतदेह रस्त्यावर पडलेला पाहून कुटुंबीय आणि ग्रामस्थ स्तब्ध झाले. महिलांना मृतदेहाजवळ धाव घेत आणि हंबरडा फोडला. पोलिसांनी कशीबशी परिस्थिती नियंत्रणात आणत मृतदेह एका ट्रकमधून अंत्यसंस्कारासाठी पाठवला. ही संपूर्ण घटना कॅमेऱ्यात चित्रित झाली आहे. तसेच सोशल मीडियावर वेगाने व्हायरल झाली.
पोलिसांनी काय सांगितले…
या मारहाणीत चार आरोपींना ताब्यात घेतलं आहे. याप्रकरणाचा तपास केला जात आहे. दोषींविरुद्ध कठोर कारवाई केली जाईल. मृतदेह रुग्णवाहिकेतून पडल्याचा तपास केला असता प्रथमदर्शनी अशी माहिती मिळाली की, कुटुंबियांनी तो मृतदेह रुग्णवाहिकेतून खाली उतरवला होता. कुटुंबियांनी काही जणांची माथी भडकवली होती. त्यांचा हेतू शव रस्त्यावर ठेवून आंदोलन करण्याचा होता. असे सीओ सीटीने सांगितले.
हमारे उत्तर प्रदेश के स्वास्थ्य विभाग को देखिये, एम्बुलेंस ड्राइवर शव को बीच रास्ते में छोड़कर भाग गया? pic.twitter.com/hV9CYujGlh
— Abhimanyu Singh Journalist (@Abhimanyu1305) August 4, 2025
.png "Videos"){kind=small}
