सख्खा भाऊ बनला पक्का वैरी ! फक्त मुगाच्या शेंगा तोडल्याने धाकट्याने केला मोठ्या भावाचा खून
हैदराबाद: तेलंगणातील हैदराबादमधून एक धक्कादायक घटना समोर आली आहे. ज्यामुळे संपूर्ण देश पुन्हा एकदा हादरला आहे. एका व्यक्तीने त्याच्या गर्भवती पत्नीची हत्या करून तिच्या शरीराचे अवयव नदीत फेकले आणि तिचे धड घरामध्ये लपवून ठेवले. हत्या झालेल्या महिलेला ही पाच महिन्यांची गर्भवती होती. हत्या केल्यानंतर आरोपीने आपल्या बहिणीला फोन केला आणि सांगितले की त्याची पत्नी बेपत्ता आहे.
Delhi Crime: शेजाऱ्याने दीड वर्षाच्या मुलीला घरी नेले आणि…; आईने दरवाजा उघडताच मुलगी रक्ताने माखलेली
नेमकं काय घडलं?
मृतक महिला स्वाती ही २१ वर्षाची असून तीच लग्न महेंद्र या व्यक्ती सोबत झालं होत. महेंद्र हा एका राईड-हेलिंग कंपनीत ड्रायव्हर म्हणून काम करतो. स्वातीची हत्या शनिवारी 4:30 वाजताच्या सुमारास तिच्या पतीने केली. हत्येनंतर त्याने पत्नीच्या मृतदेहाचे तुकडे केले आणि काही भाग नदीत फेकून दिल्याचे पोलिसांचे म्हणणे आहे. हत्येनंतर महेंद्रने त्याच्या बहिणीला फोन करून सांगितले की त्यांची पत्नी बेपत्ता आहे. त्यानंतर बहिणीला संशय आला आणि तिने एका नातेवाईकाला याबाबतची माहिती दिली, ज्याने तिला पोलीस ठाण्यात नेले. डीसीपी पी.व्ही. पद्मजा यांनी याप्रकरणी माहिती देताना म्हटलं की, चौकशीदरम्यान महेंद्रने हत्येची कबुली दिली.
नदीत टाकलेल्या मृतदेहांचे अवयवांचे शोध
पोलिसांनी आरोपी महेंद्रला ताब्यात घेतले आहे. त्याची चौकशी सुरु आहे. गोतखोरांच्या मदतीने नदीत टाकलेल्या मृतदेहांचे अवयव शोधले जात आहे. फॉरेन्सिक टीमने महिलेच्या धडावरून पुरावे गोळा केले आहेत आणि ओळख पटविण्यासाठी डीएनए चाचणी केली जाणार आहे. अद्याप एकही अवयव सापडला नाही आहे.
मृत महिलेच्या वडीलांनी काय सांगितले?
मृत गर्भवती विवाहितेच्या वडिलांनी सांगितले की, त्यांचे आणि जावयाशी असलेलं संबंध बिघडलेले होते आणि त्यांनी बोलणे बंद केले होते. ते म्हणाले, “माझी मुलगी म्हणायची की सर्व काही ठीक आहे, पण तो तिला सतत त्रास देत असे. त्यालाही माझ्या मुलीला जी शिक्षा दिली तीच शिक्षा मिळायला हवी.” पोलिसांनी भारतीय दंड संहितेच्या संबंधित कलमांखाली गुन्हा दाखल केला आहे आणि जलद तपास आणि कायदेशीर कारवाईचे आश्वासन दिले आहे.
घरगुती वाद आणि संशय
महेंद्र आणि स्वातीचं २० जानेवारी २०२४ रोजी कुकटपल्ली येथील आर्य समाजात प्रेम विवाह केला होता. सुरुवातीचे दिवस आनंदात गेले पण लवकरच घरगुती वाद आणि संशयामुळे त्यांच्या नात्यात कटुता आली. एप्रिल २०२४ मध्ये स्वातीने विकाराबाद पोलिसांकडे पतीविरोधात हुंडाबळीची तक्रारही केली होती. गावातील पंचायतीमध्ये ते प्रकरण सोडवण्यात आलं. मात्र महेंद्रच्या मनातील संशय वाढतच गेला.
पुरावे नष्ट करण्याचा प्रयत्न
स्वातीही पाच महिन्यांची गर्भवती असतांनाही दांपत्यात भांडणे सुरूच होती. २२ ऑगस्ट २०२५ रोजी स्वातीने माहेरी जाणार असल्याचे महेंद्रला सांगितले. ते ऐकून महेंद्र संतापला, त्याने २३ ऑगस्ट रोजी पत्नीचा गळा दाबून खून केला. त्यांनतर मृतदेहाचे कुऱ्हाडीने तुकडे करून डोके, हात, पाय नदीत फेकले, तर धड आपल्या खोलीत लपवून ठेवले.
.png "Videos"){kind=small}
