खरातचे आणखी ६ महिलांशी संबंध
Ashok Kharat Case: भोंदू अशोक खरातने एका महिलेला ‘तू अप्सरा आहेस’ असे सांगून धार्मिक भुरळ घातली आणि तिचे लैंगिक शोषण केले. या अत्याचारातून पीडिता गर्भवती राहिली असता, खरातने तिला अज्ञात गोळ्या आणि जडीबुटीचे औषध देऊन तिचा गर्भपात घडवून आणला. हे औषध त्याने कुठून आणले आणि यामागे आणखी कोणाचा हात आहे, याचा तपास एसआयटी करत आहे.
महिलांचे लैंगिक शोषण करणाऱ्या अशोक खरातच्या काळ्या कारनाम्यांचे अनेक पैलू उलगडू लागले आहेत. तपास अधिकारी किरणकुमार सूर्यवंशी यांनी सुरक्षेच्या कारणास्तव खरातला न्यायालयात आणणे जोखमीचे असल्याचे अर्जाद्वारे कळवले होते. न्यायालयाने ही विनंती मान्य केल्याने कोर्ट रूममध्ये चार मोठे स्क्रीन बसवून सुनावणी पार पडली.
Ashok Kharat Case: रुपाली चाकणकरांच्या बहिणीचे ‘भोंदूबाबा’ कनेक्शन उघड!
तपासात धक्कादायक बाब समोर आली आहे की, खरात हा पीडितेच्या नातेवाईकांकडे वारंवार आधार कार्ड आणि पैन कार्डची मागणी करत होता. याद्वारे तो संबंधितांची मालमत्ता स्वतःच्या नावावर हडपण्याच्या बेतात होता का? या दिशेने आता एसआयटीने तपासाची चक्रे फिरवली आहेत. आरोपी तपासात सहकार्य करत नसल्याचा दावाही सरकारी पक्षाने केला.
सुनावणीदरम्यान न्यायाधीश बी. एन. ईचपुरानी यांनी खरातला ‘तुला काही सांगायचे आहे का?’ असे विचारले, त्यावर त्याने ‘नाही’ असे उत्तर दिले. खरातच्या वकिलांनी कोठडीला विरोध करताना सांगितले की, ही घटना २०२२ मधील असून आरोपीने यापूर्वी १४ दिवस कोठडी भोगली आहे, त्यामुळे पुन्हा कोठडीची गरज नाही, मात्र, गुन्ह्याचे स्वरूप आणि खरातची गुन्हेगारी कार्यपद्धती पाहता, न्यायालयाने त्याला ८ एप्रिलपर्यंत पोलिस कोठडी सुनावली आहे.
अध्यात्म आणि दैवी शक्तीच्या नावाखाली सर्वसामान्यांपासून धनिकांपर्यंत सर्वांनाच लुटणाऱ्या भोंदू खरातने केवळ लोकांची दिशाभूलच केली नाही, तर चक्क मृत्यूची भीती’ दाखवून मोक्याच्या जमिनी कवडीमोल भावात लाटल्याचा धक्कादायक प्रकार उघडकीस आला आहे. सिन्नरच्या मिरगाव येथील एका कुटुंबाने १९९७ मध्ये १६ लाखांची शेतजमीन घेतली होती, शेजारीच जमीन घेणाऱ्या भोंदू खरातची या जमिनीवर नजर होती, त्याने ‘तुमची जमीन शापित असून ती न विकल्यास घरात अनर्थ होईल’, अशी अंधश्रद्धेवी भीती घातली. दरम्यान, कुटुंबातील एका तरुण मुलीचा मृत्यू झाला. या घटनेचा गैरफायदा घेत खरातने, ‘जमीन न विकल्यास घरातील आणखी दोघांचा मृत्यू अटक आहे’, अशी भीती दाखवत त्या कुटुंबाला मानसिकदृष्ट्या पूर्णपणे उद्ध्वस्त केले. यातून भयभीत झालेल्या या कुटुंबाकडून १६ लाखांना घेतलेली जमीन त्याने अवघ्या ४ लाखांत स्वतःच्या आणि पत्नी कल्पना खरातच्या नावावर करून घेतली.
शेकडो महिलांचे लैंगिक शोषण केल्याप्रकरणी अटकेत असलेला भोंदूबाबा अशोक खरातची फरार पत्नी कल्पना खरात हिच्याविरोधात लुकआऊट नोटीस जारी करण्यात आली आहे. त्यामुळे, कल्पना खरात परदेशात पळून जाण्याचा मार्ग बंद झाला आहे.
शिर्डी पोलिसांकडून कल्पना खरातविरुद्ध लुकआऊट नोटीस जारी करण्यात आल्याने आता देशातील सर्वच विमानतळावरुन संबंधित व्यक्तीला विदेशी प्रवासाची बंदी घालण्यात आली आहे. शिर्डीत भोंदू अशोक खरातसह पत्नीवर शेतक-याची फसवणूक आणि सावकारकीचा गुन्हा दाखल करण्यात आला आहे. या गुन्ह्यानंतर खरातची पत्नी कल्पना खरात फरार झाल्या असून शिर्डी पोलिसांकडून आरोपीचा शोध सुरू आहे. त्यातच, आरोपी कल्पना खरात परदेशात पळून जाण्याची शक्यता वर्तवली जात होती. कारण, यापूर्वी अशोक खरात देखील परदेशात पळून जाण्याच्या तयारीत होती. मात्र, पोलिसांनी त्याला संधीच दिली नाही, त्याच पार्श्वभूमीवर आता कल्पना खरात यांनाही पळून जाता येऊ नये म्हणून शिर्डी पोलिसांकडून लुकआऊट नोटीस जारी करण्यात आली.
.png "Videos"){kind=small}
