लग्नाचं आमिष, मग तीन इंजेक्शन, धारदार शस्त्राचे वार आणि निर्वस्त्र हायवेवर फेकून दिलं, डॉक्टरचं विकृत कृत्य उघड; नेमकं काय घडलं?

नेमकं काय घडलं?

एका डॉक्टरने आपल्या प्रेमिकांसोबत असं काही केलं जे खूप थरारक होत. डॉक्टरने आपल्या प्रेयसीला आधी तीन इंजेक्शन देऊन तिला बेशुद्ध केले. त्यांनतर तिच्या चेहऱ्यावर आणि शरीरावर धारदार शस्त्राने अनेक खोल जखमा केल्या. त्यानंतर त्या युवतीला निर्वस्त्र करून दिल्ली-लखनऊ हायवेवर फेकून दिले. जेणेकरून तिला हायवेवर कोणतेही वाहन चिरडेल आणि तिचा मृत्यू रस्ता अपघातात झाला असे समजले जाईल.

त्यानंतर गावकऱ्यांचे लक्ष तिच्यावर गेले. युवती रक्तबंबाळ अवस्थेत होती. गावकऱ्यांनी तिला पाहिल्यावर पोलिसांना माहिती दिली. त्यानंतर पोलीस घटनास्थळी पोहोचले. युवतीला ओढणीने गुंडाळून जिल्हा रुग्णालयात दाखल करण्यात आले. त्यानंतर युवतीच्या जबाबावरून पोलिसांनी डॉक्टरची चौकशी केली. सुरुवातीला डॉक्टरने पोलिसांना सांगितले की, तो त्या युवतीला ओळखत नाही. परंतु पोलिसांनी त्याच्या मोबाइलच्या कॉल डिटेल्स दाखवल्यावर तो घाबरला. त्यानंतर डॉक्टरने युवतीसोबत प्रेमसंबंध असल्याची कबुली दिली.

डॉक्टरने पोलिसांना सांगितले की, त्याला युवतीपासून सुटका करून घ्यायची होती, म्हणून त्याने तिच्यावर अत्याचार केले. मिळालेल्या माहितीनुसार, ही युवती बदायूं येथील रहिवासी आहे. पाच वर्षांपूर्वी तिने बरेलीच्या मेडिकल कॉलेजमधून नर्सिंगचे शिक्षण पूर्ण केले होते. त्यानंतर बीसलपूर रोडवरील एका खासगी रुग्णालयात तिला नोकरी मिळाली. तिथेच तिची ओळख बीएएमएस डॉक्टरशी झाली. त्यानंतर दोघांमध्ये प्रेम झाले.

डॉक्टरने युवतीला लग्न करू असे आमिष दाखवले. परंतु तो विवाहित असल्याचे तिला नंतर कळाले. त्यानंतर डॉक्टर आणि युवती यांच्यात भांडणे सुरु झाली मंगळवारी युवतीने डॉक्टरला सांगितले की, तिच्या पोटात दुकत आहे. डॉक्टरने तिला उपचाराच्या बहाण्याने तिच्या घरी जाऊन तीन इंजेक्शन देऊन तिला बेशुद्ध केले. त्यानंतर तिच्या चेहऱ्यावर, डोक्यावर आणि शरीरावर धारदार शस्त्राने जखमा केल्या. त्यानंतर डॉक्टरने युवतीला कारच्या पुढील सीटवर झोपवून ड्रिपही लावली. मग मध्यरात्री 12 वाजता इन्व्हर्टिस युनिव्हर्सिटीजवळ हायवेच्या कडेला तिला निर्वस्त्र करून फेकून दिले. त्याचा हेतू होता की कोणतेही वाहन त्या युवतीला चिरडेल, ज्यामुळे तिचा मृत्यू होईल आणि तो अपघात वाटेल. एसएसपी अनुराग आर्य यांनी सांगितले की, डॉक्टरची चौकशी सुरू असून त्याच्याविरुद्ध गुन्हा दाखल केला जाईल.

Thane News : बांधकाम सुरु असलेल्या इमारतीत अपघात, 7व्या मजल्यावरून पडून स्टोअर मॅनेजरचा जागीच मृत्यू

संबंधित बातम्या