वैष्णवी हगवणे प्रकरणाची पुनरावृत्ती! सासरच्या जाचाला कंटाळून ‘भक्ती’ ने संपवल जीवन

पुण्यातील वैष्णवी नंतर आता नाशिकच्या भक्तीने आपलं आयुष्य संपवलं आहे. सासरच्या जाचाला कंटाळून भक्तीने आत्महत्या केल्याचा आरोप माहेरच्यांनी केला आहे. भक्तीचा पती फरार आहे. दोघांना ५ वर्षाचा मुलगा आहे.

पुण्यातील वैष्णवी हगवणे हिने सासरच्या जाचाला कंटाळून आत्महत्या केल्याचं समोर आलं. आरोपीला अटक करण्यात आली आहे. या प्रकरणातील नवं नवीन खुलासे समोर येत आहे. आता हा प्रकरण ताज असतांना नाशिकमधून एक धक्कादायक घटना समोर आली आहे. नाशिकमधील उच्चभ्रू वस्ती असलेल्या गंगापूर येथे विवाहित महिलेने आत्महत्या केल्याची घटना समोर आली आहे. सासरच्या जाचाला कंटाळून महिलेने आत्महत्या केल्याचा आरोप मृत महिलेच्या नातेवाईकांनी केला आहे. याप्रकरणी गंगापूर पोलीस ठाण्यात सासरच्या लोकांविरोधात गुन्हा दाखल करण्यात आला आहे.

कार अपघातानंतर महिलेला जखमी अवस्थेत गेला घरी घेऊन अन्…..क्षणातच होत्याचं नव्हतं झालं; पीडितेने सांगितला भयानक अनुभव

भक्ती अथर्व गुजराथी (37) असे आत्महत्या केलेल्या महिलेचा नाव आहे. तिच्या पतीचा नाव अथर्व योगेश गुजराथी (40) असे आहे. या दोघांना ५ वर्षाचा मुलगा आहे. अथर्व गुजराथी हा फरार आहे. भक्तीने घरातील जाचाला कंटाळून गळफास घेऊन आपली जीवनयात्रा संपवली. तिची सासू, सासरे, पती, नणंद ही सासरची मंडळी तिला त्रास देत होती, असा आरोप तिच्या आत्महत्येनंतर नातेवाईकांनी केला आहे. या आत्महत्येप्रकरणी नातेवाईकांनी शंका व्यक्त करत गंगापूर पोलीस ठाणे गाठले. आपली कैफियत मांडत भक्तीला न्याय द्या, अशी मागणी केली आहे. याप्रकरणी गंगापूर पोलीस ठाण्यात सासरच्या लोकांविरोधात गुन्हा दाखल करण्यात आला आहे.

भक्ती अथर्व गुजराती यांचे वडील दिलीप प्रभाकर माडीवाले हे व्यवसायने सराफी आहेत. आपल्या मुलीने आत्महत्या केली असे कळताच त्यांनी नाशिक येथे येऊन तिला आत्महत्येस प्रवृत्त केल्याची तक्रार गंगापूर पोलीस स्टेशन येथे दाखल केली आहे. भक्ती गुजराथी यांच्या माहेरच्या कुटुंबीयांनी भक्तीचा फरार पती अथर्व गुजराती यास लवकरात लवकर अटक करण्याची मागणी केली आहे. घटनेचा अधिक तपास गंगापूर पोलीस करत आहे.

भक्तीच्या अंत्ययात्रेत झळकले फलक

यानंतर पोलिसांनी तोंडी आश्वासन दिल्यानंतर भक्तीवर तिच्या माहेरी येवला येथे अंत्यसंस्कार करण्यात आले. या अंत्यसंस्कारावेळी संतप्त नातेवाईक व येवलेकर नागरिकांनी निषेध व्यक्त करणारे तसेच भक्तीला आत्महत्येस प्रवृत्त करणाऱ्यांना त्वरित अटक झालीच पाहिजे, दोषींवर कारवाई झालीच पाहिजे, अटक करा, अटक करा, दोषींना अटक करा, दोषींना कठोर शिक्षा झालीच पाहिजे, आमच्या मुलीला न्याय मिळालाच पाहिजे, अशा आशयाचे फलक अंत्ययात्रेत झळकवत न्यायासाठी टाहो फोडला.

भक्तीला न्याय मिळेल का?
भक्तीने हा टोकाचा पाऊल का उचलला? मृत भक्ती यांना सासरच्यांनी मारहाण केली की पैशांचा तगादा लावला? याचा तपस पोलिसांकडून करण्यात येत आहे. मृत भक्तीचा पती अथर्व गुजराथी हा फरार आहे. आता भक्तीला न्याय मिळेल का? आता हे पाहून महत्वाचे ठरणार आहे.

टेंभुर्णीत धक्कादायक प्रकार उघडकीस; विवाहितेला विष पाजण्याचा प्रयत्न करून रॉडने बेदम मारहाण