Lawrence Bishnoi चा कट्टर शत्रू ते मोस्ट वॉन्टेड गँगस्टर! एल्व्हिश यादवच्या घरावर गोळीबार करणारा कोण आहे ‘छोटा डॉन’ हिमांशू भाऊ?

Lawrence Bishnoi: लॉरेन्स बिश्नोई टोळीचा कट्टर शत्रू आणि दिल्लीचा 'छोटा डॉन' म्हणून ओळखला जाणारा हिमांशू भाऊ हा एका प्रकरणामुळे चर्चेत आला आहे. काही दिवसांपूर्वीच त्याच्या टोळीने दिल्ली आणि हरियाणात अनेक हिंसक घटना घडवल्या आहेत. जाणून घ्या गँगस्टर हिमांशू भाऊ कोण आहे?

• लॉरेन्स बिश्नोईचा कट्टर शत्रू ते मोस्ट वॉन्टेड गँगस्टर!
• कोण आहे ‘छोटा डॉन’ हिमांशू भाऊ?
• लॉरेन्स बिश्नोईशी काय आहे वैर?

Lawrence Bishnoi: अभिनेता टायगर श्रॉफच्या वाहनावरील गोळीबाराच्या घटनेनंतर कुख्यात गँगस्टर लॉरेंस बिश्नोई (Lawrence Bishnoi) त्याच्या टोळीचे नाव पुन्हा एकदा चर्चेत आले आहे. याचदरम्यान आणखी एक नाव समोर येते, ते म्हणजे गँगस्टर हिमांशू भाऊ…भारताचा मोस्ट वॉन्टेड गुन्हेगार, गँगस्टर हिमांशू भाऊ याला अमेरिकेत अटक करण्यात आली आहे. हिमांशू भाऊचे लॉरेन्स बिश्नोई टोळीसोबत वैर होते आणि अनेक मोठे गुन्हे करून तो फरार झाला होता. त्याची टोळी दिल्ली आणि हरियाणात सक्रिय होती आणि अनेक गुन्ह्यांमध्ये सहभागी होते.

अखेरीस, त्याला अमेरिकेत एफबीआयने अटक केली असून, त्याला भारतात प्रत्यार्पित करण्याची तयारी सुरू आहे. अनेक प्रकरणांमध्ये हवा असलेला हिमांशू भाऊ अगदी लहान वयातच गुन्हेगारी जगताचा सूत्रधार बनला, ज्यामुळे त्याला ‘छोटा डॉन’ हे टोपणनाव मिळाले.

मैत्रिणीवरून वाद, मित्राच्या मानेवर वार करून खुनाचा प्रयत्न; आरोपीला सुनावली ‘ही’ मोठी शिक्षा

हिमांशू भाऊ कोण आहे?

हिमांशू भाऊने अगदी लहान वयात, अवघ्या १७ वर्षांच्या वयात गुन्हेगारीच्या जगात प्रवेश केला. तो यापूर्वी बालसुधारगृहात होता. त्याला गुन्हे कसे करायचे आणि पळून कसे जायचे याची सर्व माहिती आधीपासूनच होती. २०२३ मध्ये, इंटरपोलने हिमांशू भाऊविरुद्ध रेड कॉर्नर नोटीस जारी केली. दिल्ली पोलीस, हरियाणा पोलीस आणि एनआयएने त्याच्यावर खून, खुनाचा प्रयत्न आणि खंडणीसह अनेक गुन्हे दाखल केले आहेत. २०२२ मध्ये, हिमांशू भाऊने हरियाणात २४ तासांच्या आत झालेल्या तीन खुनांची आणि एल्विश यादवच्या घराबाहेर झालेल्या गोळीबाराची जबाबदारी स्वीकारली.

हिमांशू भाऊ हा लॉरेन्स बिश्नोई गँगचा कट्टर शत्रू

हिमांशू भाऊ नीरज बावाना आणि बांबीहा गँगसोबत काम करत असे आणि त्यांच्या जवळचा होता. लॉरेन्स बिश्नोई गँगचे गोल्डी ब्रार गँगसोबत तीव्र वैर आहे. हिमांशू हा हरियाणातील रोहतक येथील रितोली गावचा रहिवासी असून, तो त्याच्या गावात हिमांशू रितोली या नावाने ओळखला जात होता.

बालसुधारगृहातून पलायन

हिमांशू सुमारे २० मुलांसह बालसुधारगृहातून पळून गेला. हरियाणामध्ये हिमांशूवर खून, खंडणी आणि खुनाचा प्रयत्न यासह जवळपास ५० गुन्हे दाखल आहेत. एलविश यादव यांच्या घराबाहेरील गोळीबार, बर्गर किंगमधील खून आणि अनेक जिम मालकांवर गोळीबार करून खंडणी उकळणे यांसारख्या प्रकरणांमध्ये हिमांशू भाऊचे नाव समोर आले आहे. हिमांशू सुरुवातीला पोर्तुगालला पळून गेला आणि नंतर अमेरिकेतून भारतात एक टोळी चालवत होता. २०२३ मध्ये त्याच्याविरुद्ध लुकआऊट सर्क्युलर जारी करण्यात आले होते.

Pradeep Purnekar Murder case: मुळशीत कट रचला; SIT च्या हाती लागले मोठे धागेदोरे