शनिवार, 24 ऑक्टोबर 2026
संग्रहित फोटो
किरण शिवाजी थोरात (वय २८, रा. भोसरी) असे शिक्षा सुनावण्यात आलेल्याचे नाव आहे. त्याच्यावर अभिषेक कांबळे याच्या खुनाचा प्रयत्न केल्याचा आरोप ठेवण्यात आला होता. सदर गुन्ह्याची घटना १ जानेवारी २०२१ रोजी भोसरी येथे घडली होती. घटनेच्या आधी एक महिन्यापुर्वीच आरोपी आणि जखमी यांची ओळख एका मैत्रिणीच्या माध्यमातून झाली होती. त्या मैत्रिणीबद्दलच्या वादातून मनात राग धरत किरणने फोन करून अभिषेकला बोलावून घेतले. दोघे भोसरीतील टेल्को रोडवर दुचाकीवरून जात होते. किरणने गाडी थांबवायला लावली. गाडी थांबताच त्याने अभिषेकचे डोके पकडून त्याच्या मानेवर धारदार शस्त्राने वार केला. जवळपासचे लोक येताच किरणने पळ काढला. एका रिक्षाचालकाने अभिषेकला लगेच रुग्णालयात नेल्याने त्याचा जीव वाचला होता. या घटनेमुळे मोठी खळबळ उडाली होती.
या खटल्यात सरकार पक्षाच्या वतीने प्रेमकुमार अगरवाल यांनी बाजू मांडली. आरोपी स्वतःसोबत धारदार शस्त्र घेऊन आला होता, यावरून त्याने मारण्याची पूर्ण तयारी केली होती. तसेच, गळ्यासारख्या नाजूक भागावर वार केल्याने त्याचा हेतू अभिषेकचा खून करण्याचाच होता असा सरकार पक्षाचा दावा न्यायालयाने ग्राह्य मानला. अभिषेकला वेळेवर वैद्यकीय उपचार मिळाले नसते, तर त्याचा मृत्यू झाला असता, अशी डॉक्टरांनी दिलेली साक्ष महत्त्वाची ठरली. आरोपीचे नुकतेच लग्न झाले असून त्याची पत्नी गरोदर असल्याने शिक्षा कमी करावी, अशी विनंती बचाव पक्षाकडून करण्यात आली. मात्र, गुन्ह्याचे स्वरूप गंभीर होते. त्यामुळे न्यायालयाने मोठा निर्णय दिला आहे.
Ans: मित्राच्या खुनाचा प्रयत्न केल्याप्रकरणी किरण शिवाजी थोरात याला सत्र न्यायालयाने १० वर्षे सक्तमजुरीची शिक्षा आणि ५० हजार रुपये दंड ठोठावला.
Ans: आरोपी किरण थोरात आणि जखमी अभिषेक कांबळे यांची ओळख एका मैत्रिणीच्या माध्यमातून झाली होती. संबंधित मैत्रिणीवरून झालेल्या वादातून आरोपीने मनात राग धरून अभिषेकच्या खुनाचा प्रयत्न केला.
Ans: १ जानेवारी २०२१ रोजी भोसरीतील टेल्को रोडवर दुचाकीवरून जात असताना आरोपीने गाडी थांबवली आणि अभिषेकच्या मानेवर धारदार शस्त्राने वार केला. एका रिक्षाचालकाने त्याला तातडीने रुग्णालयात दाखल केल्यामुळे त्याचा जीव वाचला.
