धक्कादायक ! डोके जमिनीवर आपटून पत्नीची हत्या; जेवण तयार नसल्याने संतापला पती अन् नंतर…

उमाशंकर आणि श्यामवती हे मूळचे बालाघाट जिल्ह्याच्या गर्डरवाडा येथील रहिवासी असून, मजुरीसाठी नागपुरात आले होते. रनाळा परिसरातील बांधकाम सुरू असलेल्या इमारतीत दोघेही मजुरी करत होते.

नागपूर : जेवण तयार नसल्यावरून झालेल्या वादात दारूच्या नशेत असलेल्या पतीने पत्नीच्या डोक्यात चुलीची फुंकणी मारून गंभीर जखमी केले. त्यानंतर तिचे डोके जमिनीवर आपटून हत्या केल्याची धक्कादायक घटना नवीन कामठी पोलिस ठाण्याच्या हद्दीत घडली. श्यामवती उमाशंकर वट्टी (वय ५५, रा. रनाळा) असे मृत महिलेचे नाव असून, तिचा पती उमाशंकर वट्टी (वय ६४) याला पोलिसांनी अटक केली.

मिळालेल्या माहितीनुसार, उमाशंकर आणि श्यामवती हे मूळचे बालाघाट जिल्ह्याच्या गर्डरवाडा येथील रहिवासी असून, मजुरीसाठी नागपुरात आले होते. रनाळा परिसरातील बांधकाम सुरू असलेल्या इमारतीत दोघेही मजुरी करत होते आणि त्याच ठिकाणी झोपडी उभारून वास्तव्यास होते. त्यांच्यासोबत त्यांचा नातूही राहत होता.

रविवारी रात्री उमाशंकर आणि श्यामवती यांनी एकत्र दारू प्यायली. त्यानंतर उमाशंकर नातवाला घेऊन बाजारात गेला. खरेदी करून दोघे घरी परतले. घरी आल्यानंतर जेवण तयार नसल्याचे पाहून उमाशंकर संतापला. त्याने श्यामवतीसोबत शिवीगाळ करीत वाद घालण्यास सुरुवात केली. काही वेळातच वादाचे रूपांतर मारामारीत झाले.

मुलीला फोन करून सांगितला घडलेला प्रकार

उमाशंकरने चुलीची फुंकणी घेऊन श्यामवतीच्या डोक्यात वार केला. एवढ्यावर न थांबता त्याने तिचे डोके जमिनीवर आपटण्यास सुरुवात केली. या मारहाणीत श्यामवतीच्या डोक्यातून मोठ्या प्रमाणात रक्तस्राव झाला आणि ती बेशुद्ध पडली. घटनेनंतर उमाशंकरने आपल्या मुलीला फोन करून प्रकाराची माहिती दिली. त्यानंतर पोलिसांना घटनेची माहिती दिली.

नातवाच्या जबाबावरून घटना उघडकीस

नवीन कामठी पोलिसांनी जखमी श्यामवतीला तातडीने रुग्णालयात दाखल केले. मात्र, डॉक्टरांनी तिला मृत घोषित केले. सुरुवातीला पोलिसांनी आकस्मिक मृत्यूची नोंद केली होती. मात्र, तपासादरम्यान नातवाने आपल्या आजोबांनी आजीला मारहाण केल्याची माहिती पोलिसांना दिली. त्यानंतर पोलिसांनी तपासाची दिशा बदलून उमाशंकरविरुद्ध हत्येचा गुन्हा दाखल केला आणि त्याला अटक केली.

नाशिक हादरलं ! नवीन प्रियकराच्या मदतीने पार्टनरचा काढला काटा; मृतदेह कसारा घाटात नेला अन्…