आईला शिवी दिल्याने तरुणाला आला राग; दगडाने ठेचून केली हत्या
पुणे : आईला अश्लील शिवीगाळ केल्याच्या संतापातून एका तरुणाचा दगडाने डोक्यात वार करून निर्घृण खून करण्याची घटना पुण्यात घडली आहे. याप्रकरणी मुंढवा पोलिसांनी अल्पवयीन संशयिताला ताब्यात घेतले असून, त्याने गुन्हा कबूल केला आहे. मृत तरुणाचे नाव लोकेश ठेंबरे असे आहे.
भाग्यश्री नगरातील बी. टी. कवडे रोड, घोरपडी गाव येथील एका मोकळ्या मैदानात ही घटना घडली. दोघे मित्र घटनास्थळी बसून मद्यपान करत होते. त्यावेळी त्यांच्यात वाद झाला. या वादात लोकेश ठेंबरे याने आरोपीच्या आईबद्दल अपशब्द वापरले. यावरून दोघांमध्ये मोठा वाद झाला. या वादातच आरोपीचा राग अनावर झाला. संतापाच्या भरात अल्पवयीन आरोपीने जवळच पडलेला दगड उचलला आणि लोकेश याच्या डोक्यात जोरदार वार केला. या वारामुळे लोकेश गंभीर जखमी झाला आणि त्याचा जागीच मृत्यू झाला.
पोलिसांनी दिलेल्या माहितीनुसार, आरोपीने या गुन्ह्याची कबुली दिली आहे. तो आईला दिलेल्या शिवीगाळीचा राग मनात धरून होता आणि त्यातूनच त्याने ही कृत्य केल्याचे त्याने सांगितले. आता याप्रकरणाचा पुढील तपास पोलिसांकडून केला जात आहे.
पुण्यात बापाने केला दोन मुलांचा खून
दुसऱ्या एका घटनेत, पुणे जिल्ह्यातील आळेफाटा परिसरात एक धक्कादायक घटना समोर आली आहे. मोशीमध्ये राहणाऱ्या एका पित्याने दोन मुलांना चला तुम्हाला फिरायला घेवून जातो म्हणून घेवून गेला. फिरायला ते पण थेट आळेफाटा परिसरात एका निर्जनस्थळी घेवून गेला. तिथे गेल्यावर त्याने आपली दोन मुल त्यानं गळा दाबून मारण्याचा प्रयत्न केला. यामध्ये लहान चिमुकली हर्षदा शिंदे हिचा मृत्यू झाला आहे. मात्र नशीब बलवत्तर म्हणून मुलगा वाचला आणि तो शुद्धीवर आल्यावर तो एका रस्त्याला चालत आला. मुलाला रडताना पाहून स्थानिक लोकांनी पोलिसांच्या हवाली केली आणि त्यानंतर तपासाला सुरुवात झाली.
.png "Videos"){kind=small}
