crime (फोटो सौजन्य: social media)
बारामतीमधून एक धक्कादायक घटना समोर आली आहे. बारामतीहून इंदापूरच्या दिशेने जाणाऱ्या एसटी बसमध्ये एका तरुणाने कोयत्याने जीवघेणा हल्ला केल्याची धक्कादायक घटना समोर आली आहे. त्यानंतर पोलिसांनी आरोपीला शिताफीने ताब्यात घेतले आहे. या हल्ल्याचा थरकाप उडवणारा व्हिडीओ समोर आला असून हा सोशल मीडियावर व्हायरल देखील होत आहे. आरोपीला कसं ताब्यात घेतलं जाणून घेऊया
नेमकं घडलं काय?
बारामतीहुन इंदापूरला शुक्रवारी सकाळी इंदापूर आगाराची एसटी बस जात होती. काटेवाडी परिसरात पोहोचली असतांना ही घटना घडली. बसच्या मागच्या सीटवर एक तरुण बसून होता. त्याच्या बाजूला बसलेल्या तरुणावर त्याने अचानक बागेतून कोयता काढून सपासप वार केले. या हल्ल्यात तो तरुण गंभीर जखमी झाला. यावेळी बसमध्ये गर्दी होती. या हल्ल्याने प्रवाश्यांमध्ये गोंधळ उडाला.
हल्लेखोर तरुणाने पीडित तरुणावर तर वार केला आणि त्याने स्वतः च्या गळ्यावरही वार करण्याचा प्रयत्न केला. मात्र, बसमधील काही प्रवाशांनी प्रसंगावधान राखत त्याला थांबवलं. हल्ल्यात जखमी झालेल्या तरुण हा काटेवाडी येथे बसमधून उतरला आणि जखमी अवस्थेत तिथून निघून गेला. हल्ला केल्यानंतर आरोपी अनवाणी पायाने, अर्धवट कपड्यांमध्ये आणि हातात कोयता घेऊन बसमधून उतरून पळून जाण्याच्या तयारीत होता.मात्र घटनेची माहिती मिळताच पोलीस तातडीने घटनास्थळी दाखल झाले. त्यांनी अत्यंत शिताफीने आरोपीला ताब्यात घेतले. या कारवाईचा व्हिडीओ सध्या सोशल मीडियावर मोठ्या प्रमाणात व्हायरल होत आहे.
आरोपी ताब्यात?
पोलिसांनी आरोपीला ताब्यात घेतले आहे. त्याची कसून चौकशी सुरु आहे. प्राथमिक माहितीनुसार, आरोपी मानसिकरीत्या अस्वस्थ असल्याचं समोर आला आहे. त्याने हा हल्ला का केला? हे अद्याप स्पष्ट झालेलं नाही आहे. पोलीस या प्रकरणाचा तपास करत आहे.
.png "Videos"){kind=small}
