पोलिसांच्या मारहाणीमुळे तरुणाची आत्महत्या? कुटुंबीयांचा आरोप, पोलीस स्टेशनचे ते पोलीस कोण?

न्हावी येथील एका तरुणाने आत्महत्या केल्याची धक्कादायक घटना घडली आहे. तरुणाने चौकशीदरम्यान पोलिसांच्या मारहाणीमुळे ही आत्महत्या केली असल्याचा आरोप कुटुंबियांकडून करण्यात आला आहे.

शिरवळ : भोर तालुक्यातील न्हावी येथील एका तरुणाने पोलिसांच्या मारहाणीमुळे आत्महत्या केल्याची धक्कादायक घटना घडली आहे. अजय तुकाराम शिंदे (वय २२, रा. न्हावी) असे आत्महत्या केलेल्या तरुणाचे नाव असून, कुटुंबीयांनी शिरवळ पोलिसांवर गंभीर आरोप केले आहेत.

मिळालेल्या माहितीनुसार, शिरवळ एमआयडीसी परिसरात पूर्ववैमनस्यातून झालेल्या वादाचे पर्यवसान निर्घृण हत्येत झाले. बुधवारी रात्री ११:३० वाजता एका कंपनीच्या गेटजवळ अमर शांताराम कोंढाळकर (वय २२, रा. वडवाडी, ता. खंडाळा) याची तलवारीने वार करून हत्या करण्यात आली. या प्रकरणी तेजस महेंद्र निगडे (वय १९, रा. गुणंद, ता. भोर) याला शिरवळ पोलिसांनी अटक केली होती. न्यायालयाने त्याला पाच दिवसांची पोलिस कोठडी सुनावली होती, त्यानंतर ती कोठडी तीन दिवसांसाठी वाढवण्यात आली. या घटनेचा तपास शिरवळ पोलिस स्टेशनचे पोलिस निरीक्षक संदीप जगताप करत आहेत.

चौकशी साठी अन्य तरुणांना….

या हत्येच्या चौकशीदरम्यान, आरोपीसोबत कंपनीत काम करणाऱ्या इतर तरुणांची देखील पोलिसांकडून चौकशी केली जात होती. त्यात अजय तुकाराम शिंदे यालाही पोलिसांनी चौकशीसाठी बोलावले होते. सोमवारी (दि. १७) अजय आपल्या कुटुंबासोबत शिरवळ पोलिस ठाण्यात हजर झाला. मात्र, पोलिसांनी त्याला चौकशीसाठी ताब्यात घेत जबर मारहाण केली. मारहाणीनंतर त्याचे हात-पाय सुजले होते. संध्याकाळी सात वाजता त्याला सोडण्यात आले आणि पुढील दिवशी पुन्हा चौकशीसाठी बोलवण्यात आले.

राजकीय बातम्या वाचण्यासाठी क्लिक करा

मारहाणीच्या भीतीमुळे अजयने आपल्या राहत्या घरी गळफास लावून आत्महत्येचा प्रयत्न केला. शेजारील नागरिकांनी याची माहिती मिळताच कुटुंबीयांना सांगितले. त्याला तातडीने भोर उपजिल्हा रुग्णालयात दाखल करण्यात आले, मात्र डॉक्टरांनी त्याला मृत घोषित केले.या घटनेनंतर कुटुंबीय आक्रमक झाले असून, पोलिसांच्या मारहाणीमुळे आणि दबावामुळेच अजयने आत्महत्या केल्याचा आरोप त्यांनी केला आहे. या घटनेने परिसरात संतापाची लाट उसळली आहे. पोलिसांनी या प्रकरणाची सखोल चौकशी करून दोषींवर कारवाई करावी, अशी मागणी कुटुंबीयांनी केली आहे.

महाराष्ट्रसंबंधित बातम्या वाचण्यासाठी क्लिक करा

अमरावतीमध्ये  लैंगिक अत्याचार पीडित मुलीने राहत्या घरी गळफास लावून आत्महत्या केली. ही घटना शनिवारी (दि. 15) नांदगाव पेठ ठाण्याच्या हद्दीत उघडकीस आली. दरम्यान, शवविच्छेदन अहवालावरून ती गर्भवती असल्याची धक्कादायक बाब समोर आली. त्यावरून अत्याचाराचा प्रकारही उघडकीस आला. अत्याचारातून गर्भधारणा झाल्याने मुलीने आत्महत्या केल्याचे तपासात निष्पन्न झाले. त्यानंतर पोलिस उपनिरीक्षक प्रदीप शहाणे यांच्या तक्रारीवरून रविवारी (दि. 16) अज्ञात आरोपीविरुद्ध गुन्हा दाखल करण्यात आला. एका 15 वर्षीय मुलीने राहत्या घरी गळफास लावून आत्महत्या केल्याची माहिती शनिवारी (दि. 15) सायंकाळी नांदगाव पेठ पोलिसांना मिळाली. पीडित मुलगी ही राहत्या घरी बेडरूममध्ये पंख्याला स्टूलच्या मदतीने गळफास लावलेल्या अवस्थेत दिसून आली.