लोकशाहीच्या उत्सवासाठी तासगावकर सज्ज; निवडणूकीच्या पार्श्वभूमीवर पोलिसांचे संचलन

तासगाव: विधानसभा निवडणूक पार्श्वभूमीवर तासगाव कवठेमहकाळ विधानसभा मतदार संघ क्षेत्रात आदर्श आचारसंहिता सुरु आहे. या पार्श्वभूमीवर तासगाव पोलीस ठाणे हद्दीत कायदा व सुव्यस्थेचा प्रश्न निर्माण होवू नये. तासगाव पोलीस ठाणे हद्दीत शांतता अबाधीत राहणेसाठी तसेच तासगांव कवठेमहांकाळ या मतदार संघातील मतदार हे भयमुक्त, शांततामय, सौहाद्रपूर्ण वातावरणात मतदान करता यावे यासाठी तासगाव पोलिसांनी मोठ्या फौजफाटासह तासगाव शहरात संचलन केले.

पोलीस अधीक्षक, सांगली. अपर पोलीस अधीक्षक, सांगली तसेच उपविभागीय पोलीस अधिकारी, तासगांव विभाग तासगाव यांनी दिले सुचनेनुसार रविवारी दरम्यान तासगांव पोलीस ठाणे हद्दीत तासगांव शहरातील प्रमुख रस्त्यावर, संवेदनशील ठिकाणी, मतदान बूथ नजीक, गर्दीच्या ठिकाणी संचलन करण्यात आले. संचलानावेळी तासगाव शहरातील मतदारांना लोकशाहीच्या उत्सवात उत्सफुर्तपणे सहभाग घेणे बाबत तसेच कोणत्याही अमिषाला, प्रलोभणास बळी न पडता, निर्भय व भयमुक्त, सौहाद्रपूर्ण वातावरणात, निवडणूकीत हिराहिरीने मतदान करणे बाबत आवाहन करण्यात आले आहे.

संचलनात उपविभागीय पोलीस अधिकारी, तासगाव, यांनी तसेच तासगाव पोलीस ठाणेचे ४ अधिकारी व २० अंमलदार तसेच सशस्त्र सुरक्षा बलाचे अधिकारी २ अधिकारी व २५ अमंलदार, कनार्टक राज्याचे होमगार्ड ७५, महिला होमगार्ड १२, आटीबीपी दलाचे २ अधिकारी, ३० अमंलदार यांनी सहभाग घेतला होता. सांगली जिल्ह्यासह संपूर्ण राज्यात उद्या मतदान होणार आहे. तर 23 तारखेला मतमोजणी होणार आहे.

मतदान आयोगाने मतदारांसाठी वोटर हेल्पलाइन अ‍ॅप लाँच केलं आहे. हे अ‍ॅप तुम्हाला मतदार यादीत नाव शोधण्यासाठी आणि मतदान केंद्र शोधण्यासाठी मदत करणार आहे. वोटर हेल्पलाइन ॲप गुगल प्ले स्टोअर आणि ॲपल ॲप स्टोअरवरून विनामूल्य डाउनलोड केले जाऊ शकते. हे ॲप युजर्सची कोणत्याही प्रकारची माहिती स्टोअर करत नाही.

हेही वाचा: Maharashtra Assembly Election 2024: मतदान केंद्र शोधताना गोंधळ उडतोय? निवडणूक आयोगाचं हे अ‍ॅप तुम्हाला करणार मदत

वोटर हेल्पलाइन ॲप लाँच

2024 च्या विधानसभा निवडणुकीसाठी राजकीय पक्षांनी जोरदार तयारी केली आहे. मतदारांच्या सोयीसाठी निवडणूक आयोगाने 2019 मध्ये वोटर हेल्पलाइन ॲप सुरू केले होते. निवडणुकीशी संबंधित सर्व माहिती मिळवण्यासाठी हे ॲप वन-स्टॉप डेस्टिनेशन आहे. वोटर हेल्पलाइन ॲप अँड्रॉइड आणि iOS या दोन्ही प्लॅटफॉर्मवर उपलब्ध आहे. तुम्ही हे ॲप प्ले स्टोअरवरून विनामुल्य डाऊनलोड करू शकता.

वोटर हेल्पलाइन ॲप अशा प्रकारे करणार मदत

मतदार यादीतील नाव – वोटर हेल्पलाइन ॲपच्या मदतीने मतदार फक्त एका क्लिकवर मतदार यादीत त्यांचं नाव शोधू शकतात. यासोबतच ते मतदान करण्यास पात्र आहेत की नाही हे देखील मतदारांना चेक करता येणार आहे. जर तुमचा वोट रजिस्टर्ड नसेल तर या ॲपच्या मदतीने मतदार त्यांचे वोट निवडणूक यादीत रजिस्टर शकतात. यासोबतच ते रजिस्ट्रेशन डिटेल्समधील चुका देखील या ॲपच्या मदतीने दुरुस्त करू शकता. त्यामुळे मतदारांना यासाठी कोणत्याही केंद्रावर जाण्याची गरज भासणार नाही.