Aishwarya Harishankar: १३ लाख फॉलोअर्स, अभिनय-निर्मितीतही दमदार कामगिरी; कोण आहे ‘माझ्या सोन्या’ फेम ऐश्वर्या हरिशंकर?

Aishwarya Harishankar: 'माझ्या सोन्या' गाण्यामुळे चर्चेत आलेली अभिनेत्री ऐश्वर्या हरिशंकर कोण? तिचा अभिनय, निर्मिती, सोशल मीडिया प्रवास आणि १३ लाख फॉलोअर्सची कहाणी जाणून घ्या.

Aishwarya Harishankar: सोशल मीडियावर ट्रेंडिंग असलेल्या ‘माझ्या सोन्या’ या गाण्यामुळे अभिनेत्री ऐश्वर्या हरिशंकर पुन्हा एकदा चर्चेत आली आहे. मराठी आणि हिंदी मनोरंजनसृष्टीत अभिनेत्री, निर्माती आणि डिजिटल कंटेंट क्रिएटर म्हणून स्वतःची वेगळी ओळख निर्माण करणाऱ्या ऐश्वर्याने अल्पावधीतच मोठी लोकप्रियता मिळवली आहे.

अमेरिकेतील डेट्रॉईट (मिशिगन) येथे जन्मलेल्या आणि पुण्यात वाढलेल्या ऐश्वर्याने मानसशास्त्र विषयात बी.ए. पदवी पूर्ण केल्यानंतर अभिनय क्षेत्रात पदार्पण केले. अवघ्या २१व्या वर्षी तिने अभिनय, चित्रपट निर्मिती आणि डिजिटल माध्यमांमध्ये उल्लेखनीय यश संपादन केले आहे.

मराठी आणि हिंदी प्रोजेक्ट्समधून मिळवली ओळख

गेल्या काही वर्षांत ऐश्वर्याने ‘लाल बिंदी’, ‘माझ्या सोन्या’ आणि ‘लिपस्टिक’ या लोकप्रिय मराठी म्युझिक व्हिडिओंमध्ये काम करून प्रेक्षकांची मनं जिंकली. याशिवाय ‘आधार कार्ड’ या मराठी चित्रपटात अभिनेत्री आणि निर्माती अशा दुहेरी भूमिकेत ती झळकली.

हिंदी मनोरंजनविश्वातही ‘Band Aid’ आणि ‘Hide and Seek’ या प्रोजेक्ट्समध्ये काम करत तिने आपल्या अभिनयाची छाप पाडली आहे. लवकरच तिचे काही मराठी रॅप म्युझिक अल्बमही प्रेक्षकांच्या भेटीला येणार आहेत.

सोशल मीडियावरही प्रचंड लोकप्रिय

अभिनयासोबतच ऐश्वर्या हरिशंकर सोशल मीडियावरही लोकप्रिय चेहरा आहे. इन्स्टाग्रामवर तिचे १३ लाखांहून अधिक फॉलोअर्स, तर यूट्यूबवर १.१७ लाखांहून अधिक सबस्क्राइबर्स आहेत. फॅशन, लाइफस्टाइल आणि मनोरंजनाशी संबंधित तिच्या कंटेंटला चाहत्यांकडून मोठा प्रतिसाद मिळतो.

याच लोकप्रियतेच्या जोरावर तिने Suta Bombay, Dabur Amla, Lakmé आणि Faces Canada यांसारख्या नामांकित ब्रँड्ससोबतही काम केले आहे.

Kamli-Tarini Serial: ‘कमळी’ आणि ‘तारिणी’मध्ये रंगणार अन्यायाविरुद्धची लढाई; नायिकांसमोर उभी राहणार नवी आव्हानं

अभिनयासोबत निर्मिती क्षेत्रातही सक्रिय

मेहनत, शिस्त आणि सातत्य हीच यशाची गुरुकिल्ली असल्याचे ऐश्वर्या मानते. अभिनय, निर्मिती आणि डिजिटल माध्यमांमध्ये सतत नवे प्रयोग करत ती आपल्या करिअरला नवी दिशा देत आहे. आगामी काळात तिचे अनेक चित्रपट, म्युझिक व्हिडिओ आणि डिजिटल प्रोजेक्ट्स प्रेक्षकांच्या भेटीला येणार असून, मनोरंजन क्षेत्रातील आशादायी युवा कलाकार म्हणून तिच्याकडे पाहिले जात आहे.

Colors Marathi: ऑगस्टमध्ये कलर्स मराठीवर भक्ती आणि महानाट्याचा संगम; दोन लोकप्रिय मालिकांमध्ये मोठे ट्विस्ट