(फोटो सौजन्य- सोशल मीडिया)
Aishwarya Rai: अभिनेत्री ऐश्वर्या राय बच्चन पुन्हा एकदा चर्चेत आली आहे. आपल्या सौंदर्य आणि फॅशन स्टाइलने चाहत्यांना भुरळ घालणारी ऐश्वर्या नुकतीच पॅरिस फॅशन वीक २०२६मध्ये सहभागी झाली. पॅरिसमधील ‘L’Oréal Paris Le Défilé’च्या रॅम्पवर ऐश्वर्याने दिमाखदार एंट्री करत सर्वांचं लक्ष वेधून घेतलं. तिच्या रॉयल लूकची सोशल मीडियावरही मोठी चर्चा होत आहे.
ऐश्वर्याने Yara Shoemaker यांच्या Fall/Winter 2026-27 कलेक्शनमधील काळ्या रंगाचा वेलवेट पोशाख परिधान केला होता. या आउटफिटवर 3D फ्रिंज एम्ब्रॉयडरी आणि क्रिस्टलने सजवलेला केप होता. या संपूर्ण लूकला ऐश्वर्याने क्राउन-स्टाईल हेडपीसची जोड दिली. तिच्या बरगंडी रंगाच्या केसांनीही या लूकमध्ये वेगळा टच दिला.
ऐश्वर्याच्या या रॉयल अवतारामुळे रॅम्पवर तिची उपस्थिती विशेष ठरली. तिच्या लूकचे फोटो आणि व्हिडीओ सोशल मीडियावर व्हायरल होत असून, चाहते तिच्या स्टाइल आणि आत्मविश्वासाचं कौतुक करत आहेत.
L’Oréal Parisच्या या विशेष फॅशन शोमध्ये ऐश्वर्यासोबत केंडल जेनर, सिमोन अॅशले, ईवा लोंगोरिया आणि सेलीन डायोन यांच्यासह अनेक आंतरराष्ट्रीय सेलिब्रिटी सहभागी झाले होते. पॅरिसमधील आयफेल टॉवरच्या पार्श्वभूमीवर झालेल्या या शोमध्ये अनेक कलाकार आणि ब्रँड अॅम्बेसेडर्सनी रॅम्पवर आपला जलवा दाखवला.
फॅशन शोदरम्यान ऐश्वर्या आणि प्रसिद्ध गायिका सेलीन डायोन यांच्यातील खास क्षणानेही नेटकऱ्यांचं लक्ष वेधून घेतलं. दोघी एकमेकींना मिठी मारताना आणि हातात हात घेऊन डान्स करताना दिसल्या. ऐश्वर्याने सेलीन डायोनला किस केल्याचाही क्षण कॅमेऱ्यात कैद झाला असून, या दोघींचे फोटो आणि व्हिडीओ सोशल मीडियावर चर्चेत आहेत.
पॅरिसच्या रॅम्पवर ऐश्वर्याची पुन्हा छाप
ऐश्वर्या राय गेल्या अनेक वर्षांपासून L’Oréal Parisसोबत जोडलेली आहे. २०२६मधील Le Défiléची ही नववी आवृत्ती होती आणि यामध्ये ऐश्वर्याने पुन्हा एकदा रॅम्पवर हजेरी लावली. यावेळी तिच्या ब्लॅक वेलवेट लूकसोबतच बरगंडी केस आणि क्राउन-स्टाईल हेडपीसने सर्वाधिक लक्ष वेधून घेतलं.
.png "Videos"){kind=small}
