मंगळवार, 29 सप्टेंबर 2026
(फोटो सौजन्य- सोशल मीडिया)
Bigg Boss 20: सलमान खानचा रिअॅलिटी शो ‘बिग बॉस 20’ सुरू झाल्यापासूनच घरातील वातावरण चांगलंच तापलेलं पाहायला मिळत आहे. घरात प्रवेश केल्यापासूनच स्पर्धकांमध्ये वाद, मतभेद आणि एकमेकांवर आरोप-प्रत्यारोप सुरू आहेत. नुकत्याच पार पडलेल्या ‘वीकेंड का वार’मध्ये सलमान खानने स्काउट, आसिफ खान यांच्यासह काही स्पर्धकांना त्यांच्या वागणुकीवरून सुनावलं. त्यानंतर आता नव्या आठवड्याच्या नॉमिनेशन टास्कने घरातील स्पर्धा आणखी रंगली आहे.
गेल्या आठवड्यात ईशा रिखी ‘बिग बॉस 20’च्या घरातून बाहेर पडली. आता शोमध्ये चौथ्या आठवड्याला सुरुवात झाली असून नॉमिनेशनची प्रक्रिया पार पडली आहे. यावेळी एक-दोन नव्हे तर तब्बल 11 स्पर्धक नॉमिनेट झाले आहेत. विशेष म्हणजे घरातील बहुतांश स्पर्धक नॉमिनेशनच्या फेऱ्यात अडकले आहेत.
28 सप्टेंबर रोजी प्रसारित झालेल्या एपिसोडमध्ये बिग बॉसने या आठवड्याच्या नॉमिनेशन टास्कची घोषणा केली. यावेळी स्पर्धकांना जोड्यांमध्ये विभागण्यात आलं. प्रत्येक जोडीला आपापसात चर्चा करून कोणाला सुरक्षित ठेवायचं आणि कोणाला नॉमिनेट करायचं, याचा निर्णय घ्यायचा होता. मात्र, दोघांमध्ये एकमत झालं नाही तर दोन्ही स्पर्धक थेट नॉमिनेट होणार होते.
या नियमामुळे अनेक जोड्यांसमोर मोठा पेच निर्माण झाला आणि एकमत न झाल्याने अनेक स्पर्धकांना नॉमिनेशनचा सामना करावा लागला.
11 स्पर्धक नॉमिनेट
नॉमिनेशन टास्कमध्ये रिती तिवारी आणि आम्रपाली दुबे यांच्यात एकमत होऊ शकलं नाही. त्यामुळे दोघीही नॉमिनेट झाल्या.
त्यानंतर माही विज आणि अरिश्फा खान यांची जोडी आली. माहीने स्वतःला नॉमिनेट करून अरिश्फाला सुरक्षित केलं. यामुळे माहीला नॉमिनेशनचा सामना करावा लागला.
आसिफ खान आणि स्काऊट ओपी यांच्यातही हा निर्णय घेण्याची वेळ आली. स्काऊटने स्वतःला नॉमिनेट करत आसिफ खानला सुरक्षित केलं.
काजी तौकीर आणि उदिती सिंह यांच्यात मात्र एकमत झालं नाही. त्यामुळे दोघेही नॉमिनेट झाले. त्याचप्रमाणे अमन गांधी आणि कनिका मान यांनाही परस्पर संमती न झाल्याने नॉमिनेट करण्यात आलं.
यानंतर युंग डीएसए, लव्ह गिल आणि मेरी कॉम या तिघांची जोडी/गट नॉमिनेशनच्या फेऱ्यात आला. एकमत न झाल्याने तिघांनाही नॉमिनेट करण्यात आलं.
या आठवड्यात नॉमिनेट झालेल्या स्पर्धकांमध्ये माही विज, काजी तौकीर, उदिती सिंह, अमन गांधी, कनिका मान, युंग डीएसए, लव्ह गिल, मेरी कॉम, रिती तिवारी, आम्रपाली दुबे आणि स्काऊट ओपी यांचा समावेश आहे.
‘हे’ तीन स्पर्धक सुरक्षित
या आठवड्याच्या नॉमिनेशनपासून कॅप्टन गुल्लू, अरिश्फा खान आणि आसिफ खान सुरक्षित राहिले आहेत. त्यामुळे घरातील 14 पैकी तब्बल 11 स्पर्धक आता नॉमिनेशनच्या कचाट्यात सापडले आहेत.
आता या 11 स्पर्धकांपैकी कोणाला प्रेक्षकांचा कौल मिळतो आणि कोणाचा ‘बिग बॉस 20’मधील प्रवास संपतो, याकडे सर्वांचं लक्ष लागलं आहे.
