दुसऱ्यांदा आई होणार अभिनेत्री; इटलीतील सुंदर ठिकाणी केलं खास फोटोशूट, चाहत्यांकडून शुभेच्छांचा वर्षाव

Alanna Panday Pregnant: अनन्या पांडेची चुलत बहीण अलाना पांडे दुसऱ्यांदा आई होणार आहे. पती आयव्हर मॅकक्रे आणि मुलगा रिव्हरसह इटलीतील सिसिलीमध्ये खास प्रेग्नन्सी फोटोशूट केलं.

• दुसऱ्यांदा आई होणार अलाना पांडे
• इटलीतील सिसिलीमध्ये केलं खास प्रेग्नन्सी फोटोशूट
• अनन्या पांडेने दिल्या खास शुभेच्छा

Alanna Panday Pregnant: बॉलिवूड अभिनेत्री अनन्या पांडेची चुलत बहीण अलाना पांडे हिने चाहत्यांना आनंदाची बातमी दिली आहे. अलाना पांडे दुसऱ्यांदा आई होणार असून, तिने सोशल मीडियावर खास व्हिडिओ शेअर करत आपल्या प्रेग्नन्सीची घोषणा केली. अलानाने पती आयव्हर मॅकक्रे आणि मुलगा रिव्हरसह हा खास क्षण चाहत्यांसोबत शेअर केला आहे.

इटलीतील सिसिलीमध्ये केलं खास प्रेग्नन्सी फोटोशूट

अलाना पांडे आणि आयव्हर मॅकक्रे सध्या इटलीतील सिसिली येथे आहेत. याच सुंदर ठिकाणी त्यांनी दुसऱ्या प्रेग्नन्सीची घोषणा करणारा व्हिडिओ शूट केला. या व्हिडिओमध्ये अलाना पांढऱ्या रंगाचा, हलक्या केशरी फुलांच्या डिझाइनचा बॅकलेस गाऊन परिधान केलेली दिसत आहे.

या स्टायलिश आउटफिटमध्ये तिने बेबी बंप फ्लॉन्ट केला आहे. आयव्हर तिच्या बेबी बंपवर प्रेमाने हात ठेवताना दिसत असून, त्यांचा मुलगा रिव्हरही या खास व्हिडिओमध्ये सहभागी झाला आहे. “प्रेमात आणखी एक सदस्य” असं कॅप्शन देत अलाना आणि आयव्हरने ही गुड न्यूज शेअर केली.

२०२३ मध्ये झालं होतं लग्न

अलाना पांडेने अमेरिकन फिल्ममेकर आयव्हर मॅकक्रे यांच्यासोबत १६ मार्च २०२३ रोजी मुंबईत लग्न केलं. मे २०२४ मध्ये या जोडप्याच्या आयुष्यात मुलगा रिव्हर याचं आगमन झालं. आता रिव्हर मोठा भाऊ होणार असून, अलाना आणि आयव्हरच्या कुटुंबात पुन्हा एकदा चिमुकल्या पाहुण्याचं आगमन होणार आहे.

अनन्या पांडेने दिल्या खास शुभेच्छा

अलाना ही अभिनेत्री अनन्या पांडेची चुलत बहीण आहे. अलानाने प्रेग्नन्सीची घोषणा केल्यानंतर अनन्यानेही ही पोस्ट आपल्या इन्स्टाग्राम स्टोरीवर शेअर केली. तिने अनेक लाल हार्ट आणि नजर लागू नये यासाठीच्या इमोजीसह अलाना आणि आयव्हरचं अभिनंदन केलं.

याशिवाय डिनो मोरिया, लारा दत्ता आणि अनुषा दांडेकर यांच्यासह अनेक सेलिब्रिटींनी अलानाच्या पोस्टवर कमेंट करत या जोडप्याला शुभेच्छा दिल्या.

Deepika Padukone: ‘चेन्नई एक्सप्रेस’च्या मीनम्माचे ५ आयकॉनिक डायलॉग्स; दीपिका पदुकोणच्या या भूमिकेने जिंकली चाहत्यांची मनं

अलानाची आईही होणार दुसऱ्यांदा आजी

अलाना पांडेची आई दियान पांडे यांनीही या गुड न्यूजवर आनंद व्यक्त केला. त्यांनी कमेंट करत “दुसऱ्यांदा आजी होणार. देव तुला आशीर्वाद देवो” असं लिहिलं. यासोबत त्यांनी हार्ट, हग आणि आनंदाश्रूंचे इमोजीही शेअर केले.

अलानाच्या या गुड न्यूजमुळे पांडे कुटुंबात आनंदाचं वातावरण असून, चाहत्यांकडूनही तिच्यावर शुभेच्छांचा वर्षाव होत आहे.

Aamir Khan: ‘चौथं लग्न कधी करणार?’, KBC 18मध्ये आमिर खानची एंट्री; प्रोमो रिलीज होताच सोशल मीडियावर रंगली चौथ्या लग्नाची चर्चा