Archana Gautam Cafe Theft: ‘बिग बॉस’ फेम अभिनेत्रीच्या कॅफेत दिवसाढवळ्या चोरी; चोराने थेट कॅश काउंटरच पळवलं

Archana Gautam Cafe Theft : ‘बिग बॉस’ फेम अर्चना गौतमच्या ‘ओये चुरोस’ कॅफेत दिवसाढवळ्या चोरी झाली. चोराने संपूर्ण कॅश काउंटर पळवल्याची माहिती देत अर्चनाने CCTV फुटेज शेअर केलं.

Archana Gautam Cafe Theft : ‘बिग बॉस’ फेम अभिनेत्री अर्चना गौतम तिच्या स्पष्टवक्तेपणामुळे कायम चर्चेत असते. आता अर्चना पुन्हा एकदा चर्चेत आली आहे. अर्चना गौतमच्या मुंबईतील ‘ओये चुरोस’ या कॅफेमध्ये दिवसाढवळ्या चोरी झाल्याची घटना समोर आली आहे. चोराने थेट संपूर्ण कॅश काउंटरच चोरून नेल्याची माहिती अर्चनाने सोशल मीडियावरून दिली आहे.

अर्चनाच्या कॅफेत चोरी, CCTV फुटेज शेअर

अर्चनाने तिच्या इन्स्टाग्राम अकाउंटवर चोरीचं सीसीटीव्ही फुटेज शेअर केलं आहे. या व्हिडीओमध्ये एक व्यक्ती कॅश काउंटरजवळ दिसत आहे. हा व्हिडीओ शेअर करत अर्चनाने चाहत्यांना आणि नागरिकांना त्यांच्या घराची तसेच व्यवसायाच्या ठिकाणाची सुरक्षा अधिक मजबूत ठेवण्याचं आवाहन केलं आहे.

या प्रकरणी एफआयआर दाखल करण्यात आला असून मुंबई पोलीस या घटनेचा तपास करत असल्याचं अर्चनाने सांगितलं आहे.

‘खूप प्रेम आणि मेहनतीने कॅफे उभारलं’

चोरीबाबत माहिती देताना अर्चनाने सांगितलं की, तिने स्वतःच्या बचतीतून ‘ओये चुरोस’ कॅफे उभारला आहे. कॅफेमधील प्रत्येक छोट्या गोष्टीवर तिने स्वतः लक्ष दिलं होतं. मात्र, एका चोराने कॅफेमध्ये घुसून संपूर्ण कॅश काउंटरच चोरून नेल्याने तिला मोठा धक्का बसला आहे.

अर्चनाने मुंबई पोलिसांना या प्रकरणातील व्यक्तीचा लवकरात लवकर शोध घेऊन योग्य ती कायदेशीर कारवाई करण्याची विनंती केली आहे.

Vidyadhar Joshi: ‘तेव्हापासूनच गणेशोत्सवाची माती..’; गणेशोत्सवातील बदलांवर विद्याधर जोशींचं परखड भाष्य, राजकारण्यांचा केला उल्लेख

‘मुंबईला नेहमीच सुरक्षित शहर मानलं’

अर्चनाने पुढे सांगितलं की, तिने मुंबईला नेहमीच सुरक्षित शहर मानलं आहे. त्यामुळे आपल्या कॅफेमध्ये झालेल्या चोरीच्या घटनेमुळे तिला मोठं दुःख झालं आहे.

नागरिकांना सतर्क राहण्याचं आवाहन करत तिने आपल्या आजूबाजूच्या सुरक्षेकडे लक्ष देण्याची विनंती केली आहे. ‘सतर्क राहा, सुरक्षित राहा आणि आपल्या सभोवतालच्या सुरक्षेची काळजी घ्या’, असा संदेश तिने दिला आहे.

अर्चना गौत्तम के मुंबई वाले कैफे में चोरी की खबर सामने आई है, एक लड़के ने कैफे का शीशा तोड़कर अंदर घुसने के बाद वहा रखी नकदी चुरा ली। अर्चना को जब इस घटना की जानकारी मिली तो उन्होंने CCTV फुटेज चेक की और पूरी घटना अपने इंस्टा पर शेयर की। कैफे में हुई चोरी का वीडियो सामने आने के बाद मामला चर्चा में है। — JIMMY (@Jimmyyqx) October 6, 2026

 

२०२५ मध्ये सुरू केला होता ‘ओये चुरोस’ कॅफे

अर्चना गौतमने ऑक्टोबर २०२५ मध्ये मुंबईत ‘ओये चुरोस’ नावाचा कॅफे सुरू करत खाद्य व्यवसायात पदार्पण केलं होतं. अंधेरी पश्चिम येथील वर्सोवा मेट्रो स्टेशनजवळ हा कॅफे सुरू करण्यात आला होता. आता याच कॅफेमध्ये चोरी झाल्याने अर्चना चर्चेत आली आहे.

Sunil Lahri Video: ‘भारतासाठी येणारा काळ संकटांनी भरलेला’; ‘रामायण’ फेम सुनील लहरींचं वक्तव्य चर्चेत, एकजुट होण्याचं दिलं आवाहन