सोमवार, 9 नोव्हेंबर 2026
भारत भाग्य विधाताचा डिजीटल प्रिमीयर
26/11 मुंबई दहशतवादी हल्ल्यांच्या विध्वंसक पार्श्वभूमीवर आधारित भारत भाग्य विधाता हा भारताच्या इतिहासातील सर्वात काळ्या अध्यायांपैकी एक भाग आहे. अनाम वीरांवर प्रकाश टाकतो ज्यांच्या धैर्य आणि निःस्वार्थ वृत्तीमुळे असंख्य जीव वाचले. मुंबईतील कामा आणि अल्ब्लेस रुग्णालयात घडणारी ही कथा परिचारिका, वॉर्ड बॉय, स्वच्छता कर्मचारी, सुरक्षा रक्षक आणि इतर रुग्णालयीन कर्मचाऱ्यांच्या असामान्य कृतींचा मागोवा घेते, जे त्यांच्या रुग्णांसाठी संरक्षणाची पहिली भिंत बनले.
जेव्हा दहशतवाद्यांनी रुग्णालयाच्या परिसरात प्रवेश केला तेव्हा या सामान्य व्यक्तींनी असामान्य परिस्थितीला धैर्याने सामोरे गेले. स्वतःच्या संरक्षणाची अत्यल्प साधने असूनही, त्यांनी आपल्या रुग्णांचे प्राण स्वतःच्या जीवापेक्षा महत्त्वाचे मानले. त्यांच्या उल्लेखनीय धैर्य आणि निःस्वार्थ कृतींमधून हा चित्रपट त्याग, करुणा आणि चिकाटी या संकल्पनांचा वेध घेतो आणि अकल्पनीय संकटासमोर मानवी आत्म्याच्या सामर्थ्याचा गौरव करतो.
अभिनेत्री आणि निर्माती कंगना रणौतने याबाबत सांगितले की, “काही कथा तुमची निवड करतात कारण त्या सांगितल्या जाणे आवश्यक असते. भारत भाग्य विधाता हा तसाच एक चित्रपट आहे. अभिनेत्री आणि निर्माती या दोन्ही भूमिकांमध्ये, 26/11 हल्ल्यांदरम्यान दहशतवाद आणि मानवता यांच्या मध्ये निडरपणे उभ्या राहिलेल्या आरोग्यसेवा कर्मचाऱ्यांच्या न सांगितलेल्या कथा पडद्यावर आणणे माझ्यासाठी अत्यंत महत्त्वाचे होते. त्यांचे धैर्य हे कोणत्याही गौरवाच्या अपेक्षेतून नव्हते, तर कर्तव्य आणि करुणेच्या अढळ भावनेतून होते. स्वातंत्र्यदिनाच्या आसपास हा चित्रपट प्रदर्शित होत असल्याने त्याचा संदेश अधिक अर्थपूर्ण ठरतो. कारण तो आपल्याला आठवण करून देतो की भारताची ओळख केवळ सीमारेषेवर देशाचे रक्षण करणाऱ्यांनीच नव्हे, तर संकटाच्या क्षणी असामान्य धैर्य दाखवणाऱ्या सामान्य नागरिकांनीही घडवली आहे. मला आशा आहे की हिंदी Zee 5 वर हा चित्रपट पाहताना प्रेक्षक त्यांच्या त्यागाशी जोडले जातील आणि या कथेची प्रेरणा ठरलेल्या असंख्य खऱ्या आयुष्यातील नायकांना स्मरण करतील” भारत विधाता याचा विशेष प्रीमियर हिंदी Zee 5 वर 14 ऑगस्ट 2026 रोजी होणार आहे.
