रविवार, 1 नोव्हेंबर 2026
(फोटो सौजन्य- सोशल मिडिया)
Bigg Boss 20 First Eviction: ‘बिग बॉस 20’चा खेळ आता रंगात येत असतानाच घरातील पहिलं एलिमिनेशन झालं आहे. शोच्या पहिल्याच एलिमिनेशनमध्ये रोहेद खान (Rohed Khan) याला घराचा निरोप घ्यावा लागल्याची माहिती समोर आली आहे. त्यामुळे त्याच्या चाहत्यांसाठी हा मोठा धक्का मानला जात आहे.
सलमान खान होस्ट करत असलेला ‘बिग बॉस 20’ 6 सप्टेंबरपासून जिओ हॉटस्टारवर सुरू झाला. यंदा वेगवेगळ्या क्षेत्रातील 16 स्पर्धक घरात दाखल झाले आहेत. मात्र शो सुरू झाल्यानंतर फार कमी वेळात रोहेदचा प्रवास संपल्याची चर्चा आहे.
रोहेद खानला सुरुवातीपासूनच घरातील इतर स्पर्धकांच्या तुलनेत फारसा स्क्रीन टाइम मिळत नव्हता. टास्कमध्ये त्याचा सहभाग असो किंवा घरातील रोजची कामं, अनेक प्रसंगी तो फारसा सक्रिय दिसला नाही.
वीकेंड का वारमध्ये सलमान खाननेही रोहेदच्या गेमवर प्रश्न उपस्थित केला होता. शोमध्ये त्याचा गेम पुरेसा दिसत नसल्याचं सलमानने त्याला सांगितलं होतं. त्यानंतर रोहेदला आपला गेम बदलण्याची संधी मिळणार का, याकडे प्रेक्षकांचं लक्ष होतं.
एका टास्कनंतर शिक्षा म्हणून आसिफ खान, तन्मय सिंह उर्फ ScoutOP आणि रोहेद खान यांना थेट नॉमिनेट करण्यात आलं होतं. तिघांपैकी रोहेदवर एलिमिनेशनची गाज पडली आणि त्याचा बिग बॉसच्या घरातील प्रवास संपला.
रोहेदच्या कमी सहभागामुळे त्याचं एलिमिनेशन झाल्याची चर्चा असली, तरी शोमधून बाहेर पडण्यामागचं अधिकृत कारण आणि संपूर्ण प्रक्रिया जाणून घेण्यासाठी प्रेक्षकांना आगामी एपिसोडकडे पाहावं लागणार आहे.
बिग बॉसने घरच्यांनाच विचारले मजेशीर प्रश्न
दरम्यान, बिग बॉसने घरातील सदस्यांना एका खोलीत बोलावून एक मजेशीर क्विझ खेळवली. यामध्ये ‘घरातील सर्वात फेक सदस्य कोण?’, ‘क्राय बेबी कोण?’ आणि ‘बुली गँग कोण?’ असे प्रश्न विचारण्यात आले.
‘फेक सदस्य’ म्हणून अमनचं नाव घेण्यात आलं, तर ‘क्राय बेबी’ म्हणून अरिश्फाचं नाव समोर आलं. मात्र ‘बुली गँग’ म्हणून कोणाचं नाव घेतलं जाणार, याचा खुलासा अद्याप झालेला नाही.
गुल्लूच्या हातात कॅप्टन्सीची जबाबदारी
याचदरम्यान कुशल तंवर उर्फ गुल्लू हा बिग बॉसच्या घराचा दुसरा कॅप्टन बनला आहे. पहिल्या एलिमिनेशननंतर घरातील समीकरणं बदलण्याची शक्यता आहे. आता रोहेदच्या जाण्यानंतर कोणता स्पर्धक पुढे येतो आणि कोणाचा गेम प्रेक्षकांचं लक्ष वेधून घेतो, हे पाहणं महत्त्वाचं ठरणार आहे.
‘बिग बॉस 20’मध्ये मैरी कॉम, माही विज, कनिका मान, आम्रपाली दुबे, ईशा रिखी, खुशी दुबे, अरिश्फा खान, गुल्लू, तन्मय सिंह उर्फ ScoutOP, यंग DSA, आसिफ खान, फैजल खान, काजी तौकीर, अमन गांधी, उदिती सिंह आणि रीती तिवारी हे स्पर्धक सहभागी झाले आहेत.
