Tukaram Mundhe: भारतीयांच्या घराघरातील किचनचा प्रश्न ऐरणीवर? दिग्दर्शक कुणाल कोहलींनी तुकाराम मुंडेंना केली ‘ही’ खास विनंती

Tukaram Mundhe: बॉलिवूड अभिनेत्री श्वेता तिवारी पाठोपाठ आता ‘हम तुम’चे दिग्दर्शक कुणाल कोहलींनी इन्स्टाग्रामवर एक स्टोरी शेअर करत तुकाराम मुंडे यांना टॅग करत एक खास विनंती केली आहे.

Tukaram Mundhe: महाराष्ट्र अन्न व औषध प्रशासनाचे (FDA) आयुक्त तुकाराम मुंडे सध्या त्यांच्या धडक कारवाईमुळे चर्चेत आहेत. नियमांचे उल्लंघन करणाऱ्या रेस्टॉरंट्स, हॉटेल्स आणि कॅन्टीनवर कारवाई करत त्यांनी अन्नसुरक्षेच्या मुद्द्यावर कठोर भूमिका घेतली आहे. त्यांच्या या कारवाईचे सर्व स्तरातून कौतुक होत असून, अनेक सेलिब्रिटीही त्यांना पाठिंबा देताना दिसत आहेत.

अभिनेत्री श्वेता तिवारी हिनेही काही दिवसांपूर्वी तुकाराम मुंडे यांच्याकडे मदतीची मागणी केली होती. आता ‘हम तुम’ चित्रपटाचे दिग्दर्शक कुणाल कोहली यांनी तुकाराम मुंडेंना एक खास सूचना केली आहे. विशेष म्हणजे, त्यांचा हा मुद्दा थेट भारतीयांच्या घरातील किचन आणि फ्रिजशी संबंधित आहे.

Awarapan 2 Collection Day 9: यशच्या ‘Toxic’पूर्वीच ‘आवारापन 2’चा बॉक्स ऑफिसवर जलवा! ९ दिवसांत कमाईचा आकडा किती?

कुणाल कोहलींनी तुकाराम मुंडेंना काय सांगितलं?

कुणाल कोहली यांनी आपल्या इन्स्टाग्राम स्टोरीच्या माध्यमातून तुकाराम मुंडेंना मजेशीर अंदाजात एक सूचना केली. त्यांनी भारतीय घरांच्या किचनमधील शेल्फ आणि रेफ्रिजरेटरचीही ‘तपासणी’ करण्याची विनंती केली.

कोहली यांनी आपल्या पोस्टमध्ये घरातील किचनमध्ये अनेकदा बराच काळ पडून राहणाऱ्या खाद्यपदार्थांकडे लक्ष वेधले. घरात ठेवलेल्या काही बाटल्या, पाकिटे किंवा खाद्यपदार्थांची एक्सपायरी डेट निघून गेलेली असू शकते. त्यामुळे घरातील किचन आणि फ्रिजची नियमित साफसफाई करून जुन्या वस्तू तपासणे गरजेचे असल्याचे त्यांनी सूचित केले.

‘तुकाराम मुंडे-स्टाईल’ किचन स्वच्छता करा!

कुणाल कोहली यांनी लोकांना आपल्या घरातील किचनची स्वच्छता करण्याचा मजेशीर सल्लाही दिला. त्यांनी म्हटले, “चला, आपण आपल्या स्वयंपाकघरातील शेल्फ आणि रेफ्रिजरेटर ‘तुकाराम मुंडे-स्टाईल’ने स्वच्छ करूया.”

त्यांच्या या पोस्टचा उद्देश घरातील खाद्यपदार्थांची गुणवत्ता आणि एक्सपायरी डेट तपासण्याकडे लोकांचे लक्ष वेधणे हा असल्याचे दिसते.

Awarapan 2 Collection Day 9: यशच्या ‘Toxic’पूर्वीच ‘आवारापन 2’चा बॉक्स ऑफिसवर जलवा! ९ दिवसांत कमाईचा आकडा किती?

दोन तुटलेल्या संसारानंतर आता कृष्णभक्तीत लीन, मराठमोळ्या अभिनेत्रीने धरली अध्यात्माची वाट; वृंदावनात सापडलं नवं आयुष्य

श्वेता तिवारीनेही मागितली होती मदत

दरम्यान, अभिनेत्री श्वेता तिवारी हिने काही दिवसांपूर्वी तुकाराम मुंडे यांच्याकडे मदत मागितली होती. तिने इन्स्टाग्राम स्टोरीवर झुरळाचा व्हिडिओ शेअर करत एका डिलिव्हरी प्लॅटफॉर्मसोबतच तुकाराम मुंडेंनाही टॅग केले होते.

या व्हिडिओमध्ये श्वेता तिवारीने आपल्या घरात झुरळ आल्याचे सांगत तुकाराम मुंडेंना याकडे लक्ष देण्याची विनंती केली होती.

FDA ची खाद्यपदार्थांच्या ठिकाणी तपासणी

तुकाराम मुंडे यांच्या नेतृत्वाखाली महाराष्ट्र अन्न व औषध प्रशासनाकडून रेस्टॉरंट्स, हॉटेल्स, रस्त्यावरील खानावळी आणि खाद्यपदार्थ विक्रीच्या ठिकाणी तपासणी केली जात आहे. अन्नसुरक्षा नियमांचे उल्लंघन आढळल्यास परवाने निलंबित करणे किंवा सुधारणा करण्याच्या सूचना देणे यांसारखी कारवाई केली जात आहे.