(फोटो सौजन्य- सोशल मीडिया)
Govinda Affair: ९०च्या दशकातील ‘हिरो नंबर १’ म्हणून ओळखला जाणारा अभिनेता गोविंदा गेल्या काही महिन्यांपासून त्याच्या चित्रपटांपेक्षा वैयक्तिक आयुष्यामुळे अधिक चर्चेत आहे. गेल्या काही वर्षांत तो मोठ्या पडद्यावर फारसा दिसला नसला, तरी कधी त्याच्या वक्तव्यांमुळे तर कधी पत्नी सुनीता आहुजा यांच्या विधानांमुळे गोविंदा चर्चेत राहिला आहे. आता मुंबई विमानतळावरील त्याचा एक व्हिडिओ सोशल मीडियावर चर्चेचा विषय ठरला आहे.
नुकताच गोविंदा मुंबई विमानतळावर स्पॉट झाला. यावेळी त्याच्यासोबत एक महिला सतत दिसत होती. गोविंदा आणि ही महिला एकत्र चालताना दिसल्याने सोशल मीडियावर तिची ओळख जाणून घेण्याची उत्सुकता निर्माण झाली.
मिळालेल्या माहितीनुसार, गोविंदासोबत दिसणारी ही अभिनेत्री कोमल राणी स्वर्णकर आहे. सेलिब्रिटी फोटोग्राफर विरल भयानी यांनी दोघांचा व्हिडिओ सोशल मीडियावर शेअर केला आहे. या व्हिडिओमध्ये गोविंदा काळ्या डेनिमसोबत पांढरा शर्ट आणि काळं जॅकेट परिधान केलेला दिसतो, तर कोमल पांढऱ्या रंगाच्या पोशाखात दिसत आहे.
गोविंदासोबत कोमल राणी स्वर्णकर दिसल्यानंतर पत्नी सुनीता आहुजांच्या जुन्या वक्तव्याचीही पुन्हा चर्चा सुरू झाली आहे. एका मुलाखतीत गोविंदाच्या कथित विवाहबाह्य संबंधांबाबत बोलताना सुनीता यांनी ‘कोमल’ नावाच्या एका मुलीचा उल्लेख केला होता.
सुनीता यांनी त्या वेळी कथितरित्या म्हटलं होतं की, “कोमल नावाची एक मुलगी आहे…” तसेच गोविंदाच्या कथित अफेअरबाबत पुरावा मिळाल्यास त्या त्याला माफ करणार नसल्याचंही त्यांनी म्हटलं होतं.
दरम्यान, सुनीता आहुजा यांनी ‘लॉक अप २’ या रिॲलिटी शोमध्ये गोविंदाचे अनेक अफेअर्स असल्याचा दावा केल्याचंही समोर आलं आहे. मात्र, या सर्व चर्चांदरम्यान आपण गोविंदाची साथ कधीही सोडणार नाही, असंही सुनीता यांनी म्हटलं होतं.
कोमल राणी स्वर्णकर ही ग्लॅमर इंडस्ट्रीतील नवोदित अभिनेत्री असल्याचं सांगितलं जात आहे. ती उत्तर प्रदेशची असून अभिनेता गोविंदासोबत ‘रूपा’ या आगामी चित्रपटातून बॉलिवूडमध्ये पदार्पण करत आहे. या चित्रपटात ती गोविंदासोबत मुख्य भूमिकेत दिसणार असल्याची माहिती आहे.
अलीकडेच गोविंदाने पत्रकार परिषदेत आपल्या आगामी ‘रूपा’ चित्रपटाची घोषणा केली होती. यावेळी त्याने कोमलचं कौतुकही केलं. गोविंदाने तिच्यासोबत भविष्यातही काम करण्याची इच्छा व्यक्त केली आणि अनेक हिट चित्रपट करण्याची आशा व्यक्त केली.
गोविंदा आणि कोमल राणी स्वर्णकर यांचा एअरपोर्टवरील व्हिडिओ समोर आल्यानंतर त्यांच्या आगामी चित्रपटाची तसेच सुनीता आहुजांच्या जुन्या वक्तव्यांची सोशल मीडियावर पुन्हा चर्चा रंगली आहे.
.png "Videos"){kind=small}
