Himanshi Khurana On Asim Riyaz: धर्मांतराच्या वादावरून असीम-हिमांशी आमनेसामने, ‘CCTV, रेकॉर्डिंग’चा उल्लेख करत अभिनेत्रीचा पलटवार

Himanshi Khurana On Asim Riyaz:असीम रियाझच्या आरोपांनंतर हिमांशी खुरानाचा पलटवार; अभिनेत्रीने CCTV फुटेज आणि रेकॉर्डिंग असल्याचा दावा केला असून तिची पोस्ट सध्या चर्चेत आहे.

Himanshi Khurana On Asim Riyaz: हिमांशी खुराना आणि असीम रियाझ यांचं जुनं नातं पुन्हा एकदा चर्चेत आलं आहे. दोघांच्या नात्यातील वाद आता सोशल मीडियावर उघडपणे समोर येत असून, दोघांकडूनही एकमेकांवर आरोप-प्रत्यारोप केले जात आहेत. अलीकडेच हिमांशीने पारस छाब्राच्या पॉडकास्टवर असीमसोबतच्या नात्याबद्दल भाष्य करत त्याच्यावर गंभीर आरोप केले होते. त्यानंतर असीमने हे आरोप फेटाळून लावत हिमांशीला प्रत्युत्तर दिलं. आता हिमांशीने पुन्हा एकदा असीमच्या वक्तव्यावर पलटवार केला आहे.

हिमांशीने असीमवर केले होते गंभीर आरोप

पारस छाब्राच्या पॉडकास्टमध्ये हिमांशी खुरानाने असीमसोबतच्या पूर्वीच्या नात्याबद्दल खुलासा केला. या नात्यात आपल्याला अनेक अडचणींचा सामना करावा लागल्याचं सांगताना तिने असीमवर विषारी आणि हिंसक वर्तन केल्याचा आरोप केला.

हिमांशीच्या या वक्तव्यानंतर असीम रियाझने सोशल मीडिया पोस्टच्या माध्यमातून तिच्या आरोपांवर प्रतिक्रिया दिली. त्याने हे आरोप फेटाळून लावत हिमांशीला सवाल केला की, जर तो हिंसक होता, तर ब्रेकअपनंतर तिने पुन्हा त्याच्यासोबत पॅच-अप करण्याचा प्रयत्न का केला?

असीमने आपल्या पोस्टमध्ये त्यांच्या चॅट्सचे पुरावे आपल्याकडे असल्याचंही म्हटलं.

“माझ्याकडे CCTV फुटेज आणि रेकॉर्डिंग आहेत”

असीमच्या या वक्तव्यानंतर हिमांशीनेही सोशल मीडियावरून त्याला प्रत्युत्तर दिलं. अभिनेत्रीने स्पष्ट शब्दांत सांगितलं की, पुराव्यांचीच चर्चा करायची असेल तर तिच्याकडेही अनेक पुरावे आहेत.

हिमांशीने म्हटलं, “जर आपण पुराव्यांबद्दल बोलणार असू, तर माझ्याकडे CCTV फुटेज आणि रेकॉर्डिंग आहेत. मी ते शेअर करण्यास तयार आहे.”

तिने पुढे दावा केला की, “माझ्या नात्यात मला सहन कराव्या लागलेल्या हिंसेचे सर्व पुरावेही माझ्याकडे आहेत.”

pic.twitter.com/izmeQ142kS — Himanshi khurana (@realhimanshi) August 24, 2026

Gondhal Movie: ‘गोंधळ’च्या स्क्रीनिंगला खऱ्या अर्थाने गोंधळ! ३०० सीट्स, ६५० हून अधिक प्रेक्षक; जागा न मिळाल्याने नाराजी

“आतापर्यंत शांत राहिले, पण आता गप्प बसणार नाही”

हिमांशीने यावेळी आपण आतापर्यंत शांत राहिल्याचं सांगत आता मात्र आपल्यावर होत असलेला अपमान सहन करणार नसल्याचं म्हटलं आहे.

अभिनेत्रीने असा आरोपही केला की, अनेक लोकांनी असीमला वाचवण्यासाठी त्याच्या चुकांवर पांघरूण घालण्याचा प्रयत्न केला. मात्र, आता परिस्थिती बदलली असून ती यापुढे गप्प बसणार नसल्याचा इशारा तिने दिला आहे.

‘बिग बॉस १३’मध्ये सुरू झालं होतं नातं

हिमांशी आणि असीम यांच्या नात्याची सुरुवात ‘बिग बॉस १३’च्या काळात झाली होती. शोमध्ये दोघांची जवळीक वाढली आणि त्यांच्या नात्याची मोठ्या प्रमाणावर चर्चा झाली. शो संपल्यानंतर दोघांनी काही काळ एकमेकांना डेट केलं.

मात्र, कालांतराने त्यांच्या नात्यात दुरावा निर्माण झाला आणि दोघे वेगळे झाले. आता अनेक वर्षांनंतर त्यांच्या जुन्या नात्याबाबत दोघांकडून होत असलेल्या आरोप-प्रत्यारोपांमुळे हे प्रकरण पुन्हा चर्चेत आलं आहे.

Kangana Ranaut Abhijeet English: १२वी पास कंगना की अमेरिकेतून परतलेला अभिजीत दिपके? कोणाची इंग्रजी भारी? अभिनेत्रीने दिला पुरावा