( फोटो सौजन्य- सोशल मीडिया)
Kareena Kapoor Pregnancy Rumors: बॉलिवूड अभिनेत्री करीना कपूर खान गेल्या काही दिवसांपासून तिच्या प्रेग्नेंसीच्या चर्चांमुळे सोशल मीडियावर चर्चेत आहे. मुंबईतील जिममधून बाहेर पडतानाचा तिचा एक व्हिडिओ व्हायरल झाल्यानंतर ती तिसऱ्यांदा आई होणार असल्याच्या अफवा पसरल्या. मात्र, करीनाच्या टीमने या चर्चांमध्ये तथ्य नसल्याचे स्पष्ट केले आहे. आता या अफवांनंतर अभिनेत्रीचा आणखी एक व्हिडिओ समोर आला असून, त्यातील तिच्या प्रतिक्रियेने लक्ष वेधून घेतले आहे.
२१ ऑगस्ट रोजी करीना कपूर खान मुंबईतील जिममधून बाहेर पडताना दिसली. जिमच्या कपड्यांमध्ये ती आपल्या गाडीकडे जात होती. यावेळी तिच्या टीममधील एका व्यक्तीने छत्रीच्या मदतीने तिला पापाराझींच्या कॅमेऱ्यांपासून दूर ठेवण्याचा प्रयत्न केला.
या व्हिडिओमध्ये करीनाच्या पोटाचा भाग काहीसा वेगळा दिसल्याने काही सोशल मीडिया युजर्सनी तो बेबी बंप असल्याचा अंदाज लावला. त्यानंतर करीनाच्या प्रेग्नेंसीच्या चर्चांना उधाण आलं. नेटकऱ्यांनी करीना आणि तिचा पती सैफ अली खान यांना शुभेच्छाही देण्यास सुरुवात केली.मात्र, करीनाच्या टीमने हे वृत्त फेटाळून लावत अभिनेत्री गरोदर नसल्याचे स्पष्ट केले.
प्रेग्नेंसीच्या चर्चांनंतर आता करीनाचा आणखी एक व्हिडिओ सोशल मीडियावर व्हायरल होत आहे. या व्हिडिओमध्ये करीना आपल्या कारमध्ये बसण्यापूर्वी पापाराझींशी संवाद साधताना दिसते.
यावेळी पापाराझींना पाहून करीना म्हणते, “तुम्ही लोक मला वेडे करता.” तिच्या या मजेशीर प्रतिक्रियेचा व्हिडिओ सोशल मीडियावर चांगलाच चर्चेत आहे.
व्हिडिओमध्ये करीना पिवळ्या रंगाचा शर्ट आणि काळ्या रंगाची पॅंट परिधान केलेली दिसत आहे.
दरम्यान, सेलिब्रिटी हेअर आणि मेकअप आर्टिस्ट रजनी यांनीही या संपूर्ण प्रकरणावर मजेशीर अंदाजात प्रतिक्रिया दिली आहे. त्यांनी एक मिरर सेल्फी शेअर केला असून, त्यात ते गंमतीने पोट धरताना दिसत आहेत.
या पोस्टला त्यांनी ‘हम आपके हैं कौन…!’ चित्रपटातील ‘चॉकलेट, लाईम ज्यूस’ हे गाणे जोडले आहे. खाद्यपदार्थांशी संबंधित या पोस्टद्वारे त्यांनी करीनाच्या व्हायरल व्हिडिओवर विनोदी भाष्य केल्याचे दिसते.
रजनी यांनी या पोस्टला ‘हट ना बे’ असं मजेशीर कॅप्शन दिलं आहे.
करीना कपूरच्या प्रेग्नेंसीच्या चर्चांनंतर तिच्या टीमसोबतच कुटुंबीयांकडूनही हे वृत्त फेटाळण्यात आलं आहे. त्यामुळे सोशल मीडियावर व्हायरल झालेल्या व्हिडिओच्या आधारावर सुरू झालेल्या या चर्चांना आता पूर्णविराम मिळण्याची शक्यता आहे.
करीना आणि सैफ यांना दोन मुलं आहेत—तैमूर अली खान आणि जेह अली खान. अभिनेत्री सध्या तिच्या आगामी प्रोजेक्ट्समध्ये व्यस्त आहे.
.png "Videos"){kind=small}
